Girobank su tarifanan no a kambia pa su klientenan

Girobank su tarifanan no a kambia pa su klientenan

 

Willemstad – Gerensia di Girobank a tuma nota di vários rumor ku ta sirkulá riba medionan sosial, sugiriendo ku Girobank lo mester a subi su tarifanan. Pa medio di e komunikado aki Girobank ke informá ku banko no a hisa tarifa pa su klientenan.

Miéntras ku tarifanan a keda igual pa tur kliente di banko, a introdusí algun tarifa pa no-kliente, esaki debí na algun desaroyo resien riba merkado. Pa klientenan di banko, nada no a kambia. Komo no-kliente di banko, ta konsiderá e klientenan ku no tin kuenta na Girobank.

Pa konsultá e tarifanan pa no-kliente, por tuma kontakto ku banko na 433 91 30.