KOMUNIKADO DI KUERPO POLISIAL KÒRSOU Tópiko: entrada hudisial i konfiskashon di artíkulo.

KOMUNIKADO DI KUERPO POLISIAL KÒRSOU
no.: 379 /2016
Fecha: 7 novèmber 2016
Tópiko: entrada hudisial i konfiskashon di artíkulo.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
________________________________________

Kontinuando ku e investigashon relashoná ku un kaso di ladronisia, kometé dia 6 di novèmber último, den un depósito di un negoshi den área di Suffisant, awe djaluna 7 di novèmber 2016, polis a tene un entrada hudisial na un kas den Kaya Altrostratus. Durante investigashon na e kas ariba menshoná, polis a haña i konfiská:  un frizer;  un stof di gas;  un wasmashin; E artíkulonan aki ta nobo i e habitante di e kas no por a demostrá komprobante di kompra i probablemente nan ta prosedente di e ladronisia ariba menshoná. Te na e momentonan aki no tin detenshon den e kaso aki. E investigashon ta kontinuá.

Athunto: potrèt