KRALENDIJK BONAIRE: DEMOKRAT DEN PROBLEMA SERIO

​DEMOKRAT DEN PROBLEMA SERIO
Liderato di Robby Beukenboom den partido Demokrat ta seriamente den diskushon. E miembro di partido i di konseho insular pa frakshon di Demokrat, Michael Pieters parse a manda un karta fuerte bon dokumenta di 4 pagina pa su lider Robby Beukenboom, komkopia pa henter direktova di partido.
Den e karta aki ku detayes i hechos e demokrat ku alma i kurpa Michael Pieters ta mustra Robby kuantu biaha i kon e komo lider di partido i di frakshon a faya ku su hendenan.
Reunionan di direktova diadomingo i dialuna ultimo aparentemente a kulmina den pleitu formal ku indudanlemente lo rin su konsekuensianan pa henter partido.  Parse ku Robby Beukenboom, riba instrukshon di su señora sekrataria, pa nada di mundu no ke tene reunion general di partido pa duna kuenta i rason.
Uniko kos ku e lider di Demokrat tin den mente ta pa forma un gobiernu di poko payaso marioneta ku por hasi i deshasi upnuma, basta nan no mishi ku e funkshon ni persona di e sekretaria. 

E hecho ku desishonan di gobiernu no ta ser ehekuta i ku sekrataria ta hasi loke le da a gana, pa Shon Robby no ta importante.

ta e puesto i imperio di Nerry ta konta. 

Ani un reemplasante, segundo sekretario, nan no ke nombra pasobra ta Shon Nerry ta disidi ken por reëmplasé.
Robby ta sigui dal tene na su kompañera i hinka Boneiru den krisis te ora e bòm baster.

Ya Hulanda a manda mensahe bon kla ku ni gezaghebber ku nan ta konsidera swak i superfisial den su funkshonamentu, ni sekretaria no por keda muchu largu mas den e funkshonan ei, komo ku gobrnashon di Boneiru ta stanká.
E mesun makambanan ku ta hari i papia nètchi ku gezaghebber i sekretaria ya a traha nan plan B pa di un ora pa otro aktua.

Ni Nerry ni Edison ku ultimamente a bira manera un pareha, no ta karga konfiansa mas den seno di Hulanda ni RCN ni e representante di Hulanda nan Bonaire.
Robby su liderato ta den diskushon, Nerry ku Edison nan kabes ta riba e blòki hulandes, Nunu ta den un kamisa di “once bara”, James ta zweef den laira sperando ku Burney lo bin judé komo diputado mientras ku Marugia no sa mes ku e tei……. Michael ku rason a manda un balki di 4 pa 6  ongeschaaft direkshon di Robby. 

This site uses Akismet to reduce spam. Learn how your comment data is processed.

%d bloggers like this: