Mishon Empresarial Women Entrepreneurs Netherlands na Kòrsou

Mishon Empresarial Women Entrepreneurs Netherlands na Kòrsou

Entre dia 9-11 di novèmber 2016 un delegashon di empresario femenina for di Hulanda lo bishitá Kòrsou den un gira empresarial. Durante di e bishita lo tin un konferensia ku e título ‘Women Reshaping the Future Summit’. E konferensia lo tuma lugá riba djaweps 10 di novèmber na Kámará di Komersio (KvK).

Women Entrepreneurs Netherlands durante di 2016 a organisá varios mishon i gira empresarial entre otro na Brussel, Londen, Paramaribo , Washington I New York. E Islanan Kòrsou i Aruba ta e delaster luganan ku e fundashon lo bishitá. E ta primintí pa bira un bunita klousura di un aña hopi eksitoso pa empresario femenina di desendensia di Kòrsou, Surnam i otro paisnan i muhenan di Hulanda. Di dia 14-16 di novèmber i gira lo sigui na Aruba.
Women Reshaping the Future Summit
Empresario femenina di Kòrsou por registrá nan mes pa e konferensia ‘Women Reshaping the Future Summit’ riba dia 10 di novèmber for di 09.00-16.00 na info@womennetherlands.com I digital na: Event Brite pa por presensia e diferente oradornan i pa nan splika ki tipo di negoshi nan mes tin, ki produkto i servisio nan ta ofresé, i kon nan lo por traha huntu ku e delegashon di empresarionan femenina di Hulanda aya na Kámara di Komersia den Punda.

E oradornan ku lo duna un presentashon ta Sra. Jeannete Hooi-Bonet (den respresentashon di KvK i doño di e empresa Bon Ami Hospitality BV), Sra. Donate Philbert (Direktora di Sektor di Labor di Ministerio di SOAW), Sra. Nataly Antonia Petronia (directeur Radio Mas99), Sra. Mirieta Lourens (Managing Director Kibrahacha HR Consultancy & Training), Sra. Tania Ataoellah-Henriquez (Director Tania Intermediair) i naturalmente Sra. Carmen Breeveld (presidente di Women Entrepreneurs Netherlands).
Intersadonan pa parsisipá na e evento por registra digital pa medio op Eventbrite: https://www.eventbrite.nl/e/tickets-women-reshaping-the-future-summit-29187890767.