Premionan individual kampionato regular i kontinuashon di playofnan semifinal liga CSB/MCB

curacao-softball

Premionan individual kampionato regular i kontinuashon di playofnan semifinal liga CSB/MCB

Kampionato regular di softball fastpich patrosina pa MCB ta tras di lomba i playoffnan ta den fullswing. Manera ja ta konosi ku den Maskulino Dream team ja ta den final i ta wardando ken ta e siguiente finalista. Den Femenino dobel A tambe Pichingolo Nissan ta den final kaba wardando su kontrikante i den femenino clase A Soto CMTC tambe ta den final wardando riba su kontrikante.
Djawebs aki pa 19:00 lo kontinua ku e serinan di playoff semifinal ta kontinua. Den Klase A lo start e serie di best of three ku lo bai entre Demolation Cartel n.v. i Nos tei Office Supply. E ganador di e seri aki lo pasa pa e gran final di klase A kontra di Soto CMTC. Pa 21:00 tin e kandela di e siman aki den femenino. Ora ku Eagles Softex ku sopredentemente dilanti den e seri di best of three lo Sali contra St.Rosa Angels Vanddis kampion di 2015 ku awor aki ta lomba contra muraja. Starosa Angels Vanddis a gana e equipo di Eagles 4 biaha den kampionato regular, tur 4 via nokout. Per awe nan ta lomba contra muraja den playoff contra Eagles Softex. Ta di mira kon e wega di djawebs aki lo bai desaroja pa mira ku Eagles lo por klasifika pa e gran final di AA pa di prome bes den nan historia di 23 anja di eksistensia of Starosa Angels Vanddis lo reakshona pa emapata e serie i forsa un wega desisivo.
E weganan di semifinal balido pa maskulino ta start weekend aki pa mira ken ta klasifika pa e gran final. Den e serie aki Harlem Power lo midi forsa contra di Suffisant Eagles. E seri aki tambe ta priminti di bira un seri hopi difisil pa ambos equipo.
Pa loke ta trata e sifranan final di e premionan individual pa kampionato regular ta ku:
Kampion picher klasse A – Sueni Fundador (Soto)ku rekort di 5 gana i 0 perdi
Kampion picher AA – Suheydi Faneyt(Starosa) ku rekort di 7 gana i 1 perdi
Kampion Picher Maskulino- Wendley Serberi(Dreamteam) ku rekort di 3 gana i 1 perdi

Kampion bate klase A- Dayanara Pieternella (Demolation) avg 704. 19 HIT den 27 turno
Kampion bate AA- Julise Koffie (Pichingolo) avg 696 . 16 hit den 23 turno
Kampion bate Maskulino tabatin triple empate – Nurison Leonora (Dreamteam),Erikson Senior ( Klase Aparte) i Rupert Ustasia(Suffisant Eagles) tur ku avg 538, 7 hit den 13 turno

Mvp kampionatop regular clase A- DAYANARA Pieternella (Demolation)
MVP kampionato regular AA – Suheydi Faneyt (Starosa Angels Vanddis)
MVP Maskulino kampionato regular – Rupert Ustasia (Suffisant EAGLES)

E KIPO MAS DISIPLINA – Dream Team

dreamteam

pichingolo-team

sototeam

This site uses Akismet to reduce spam. Learn how your comment data is processed.

%d bloggers like this: