Lansamentu di CD kompakto di Æmy Niafeliz

Hit nan manera ‘Kosecha Kantando’, Mi Tera, Bo Mirada I tambe ‘Dolor no ta dura pa semper’, ta produkshonnan i kansionnan ku Kòrsou a konosé den korto tempu for di un dama hóben multitalentoso I ku tin su patria hopi na kurason. Ya pa algun aña kaba e artista aki, Æmy Niafeliz ta unu hopi gustá riba nos isla. Algun luna pasá e hóben super talentoso akí a bolbe saka un kansion mas, ku ta karga e number Konseho kapitulo1. (BIN TENDE). Despues di algun produkshon eksitoso tras di lomba, a yega e momentu tan sperá I tan pidí kaminda Æmy NiaFeliz lo bai lansa su promé disko kompakto. E lansamentu aki lo bai tuma lugá dia 9 novèmber 2016 na Oporto di 7or pa 9or di anochi. Lo por tin oportunidat tambe pa saka potrèt ku e artista. Kòrsou kompletu ta bon bini.