KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Parlamentario ta manda un karta pa Minister di Hustisia i Gobernador di Kòrsou: Tópiko: Posibel envolvimentu di recherche digital KPC/Landsrecherche i  Dosente di Skol di Polis komo miembro di QuickPromo

 

Minister di Hustisia i BPD  

Sr. Shalten Hato  

c.c. Gobernador di Kòrsou  

Sr. Mauritsz de Kort  

Willemstad, 12 Novèmber 2026  

Tópiko: Posibel envolvimentu di recherche digital KPC/Landsrecherche i  Dosente di Skol di Polis komo miembro di QuickPromo  

Apresiabel Minister,  

  

Mr.drs. Javier Silvania, miembro di frakshon di Movementu Futuro Kòrsou den  Parlamento di Kòrsou, ta sumamente preokupá i ta pidi atenshon di Minister Hato pa  e grupo kriminal di e aplikashon online ku te ku dia di awe ta operá bou di e nòmber  QuickPromo na Kòrsou. QuickPromo a estafa pueblo di Kòrsou pa miónes. Kuentanan  a wòrdu blòkia i e víktimanan no tin akseso mas na nan sèn. Un situashon agudo ku  aktualmente ta afektá finansieramente segun sifra no konfirmá alrededor di 7.000  abitante di Kòrsou. Ku e di dos karta aki, mi ta skirbi pa pidi bo atenshon urgente pa  loke ta trata posibel envolvimentu di recherche di inisial S.M. den QuickPromo.  

  

Segun informashon no konfirmá ku parlamentario Silvania ta dispone di dje. Segun  Linkedin recherche di inisial S.M. ta ‘digital forensic investigator’. Na bon papiamentu  recherche Digital na KPC. Ta trabou di un recherche digital pa investigá kriminalidat  digital i froude finansiero online. Nos tin entendí ku recherche di inisial S.M. awor ta  traha pa Landsrecherche. Riba Facebook di Opleidingsinstituut Rechtshandhaving &  Veiligheidszorg (ORV) den boka di pueblo ‘Skol di Polis’ por lesa lo siguiente. 29  sèptèmber 2023 ORV a informá ku S.M. dosente na ORV ta duna e lès OSINT pa  studiantenan di HBO Bachelor Politiekunde. S.M. ta riba nivel 4 di e OSINT. OSINT ta  Open Source Intelligence. E ta e práktika di rekohé, prosesá i analisá dato for di  fuentenan disponibel pa públiko pa por tuma desishon den kuadro di investigashon  polisial.  

Parlamentario Silvania ta manda prueba nr 1: screenshot di Linkedin di S.M.  

Parlamentario Silvania ta manda prueba nr 2: screenshot di FaceBook di ORV fecha  29 sèptèmber 2023. 

Segun informashon no konfirmá S.M. bisti ku T-shirt ku logo di QuickPromo tabata tin  un ròl di organisadó durante e aktividat promoshonal di QuickPromo den WTC. Esei  bo ta ripara na e echo ku e tabata risibí e invitadonan. Tambe S.M. a dirigí e show riba  podio den WTC.  

Parlamentario Silvania ta manda prueba nr 3: video di promoshon di QuickPromo.  Parlamentario Silvania a pòst e video promoshonal di QuickPromo riba FaceBook i  vários usuario a rekonesele.  

S.M. ta ‘commmunity eigenaar’ di groupapp di QuickPromo.  

Parlamentario Silvania ta manda prueba nr 4: screenshot di e groupapp di  S.M./QuickPromo.  

Den Antiliiaans Dagblad di 12 november por lesa den e artikulo ‘CBCS in augustus al  geinformeerd’ por lesa ku Cyber Breach ta bisa ku “Tegenover deze krant wordt  gesproken over een enerme beerput, maar ook dat bekend is welke personen een  organiserende rol hebben; als ‘community owner’en als ‘community admin. Een  daarvan zou een overheidsfunctionaris bij een opsporingsorganisatie”.  

Mirando bo posishon komo minister kende ta polítikamente responsabel pa integridat  i bon nòmber di KPC i Landsrecherche mi ta urgi bo pa usa bo outoridat pa atendé e  siguiente puntonan, kaminda ta posibel, pa aselerá nan resolushon.  

Mester evitá ku e investigashon di QuickPromo ta wòrdu kontaminá. No ta akseptabel  ku un alto funshonario di nos kuerpo polisial supuestamente ta miembro di un grupo  kriminal digital ku segun informashon ku nos ta dispone di dje a kometé froude  finansiero online perhudikando segun sifra no konfirmá alrededor 7.000 abitante di  Kòrsou. Loke ta hasi e kaso aki mas desconcertante ta e echo ku e funshonario aki  den su trabou diario ta responsabel pa investigá kriminalidat digital i froude finansiero  online. Ta kon un polis ku supuestamente ta miembro di un grupo kriminal manera  QuickPromo por hasi e investigashon di froude online? Ta importante pa Minister Hato  sali i duna pueblo un splikashon kiko ta pasando.  

Parlamentario Silvania ta súplika Minister Hato pa hasi uso di outoridat pa mando di  polis pone prioridat na e investigashon di QuickPromo.  

Un víktima di QuickPromo kier a hasi aangifte na polis. E víktima a reklamá serka  parlamentario Silvania ku polis no tabata servisial pa asina e víktima por a hasi su  aangifte. E víktima a bai kas sin hasi aangifte. Parlamentario Silvania kier urgi Minister  Hato pa duna instrukshon na mando polisial ku nan tin ku duna nan máksimo  koperashon na e víktimanan di estafa di QuickPromo. Polis no mester krea barera  innesesario ku ta hasi difísil pa un siudadano komun por hasi aangifte. Ora e víktima  bai warda di polis no ta tuma su aangifte i ta bisé hasi aangifte online. Ta kon polis ke  pa Ma Yeye di 80 aña hasi aangifte online?  

Parlamentario Silvania tin e siguiente preguntanan: 

2    

  1. Minister Hato a laga investigá si S.M. òf otro polis ta envolví den QuickPromo?  Kiko ta e resultado di e investigashon?  
  2. Ta bèrdat ku recherche S.M. òf otro polis ta parti di e grupo kriminal  QuickPromo?  
  3. Si e kontesta riba pregunta 1 ta afirmativo, minister òf mando polisial a duna  Steven Meijer den kuadro di Landsverordening Materieel Ambtenarenrecht  pèrmit pa ehersé ‘nevenwerkzaamheden’ na QuickPromo?  
  4. Si e kontesta riba pregunta 1 ta afirmativo, ta fo’i ki dia minister i mando polisial  a haña sa ku S.M. òf otro polis ta parti di e grupo kriminal QuickPromo?  5. Si e kontesta riba pregunta 1 ta negativo, ta ken ta e persona di sekso  maskulino den e video promoshonal di QuickPromo?  
  5. Kiko ta e prosedura pa hasi aangifte den kaso di kriminalidat digital i froude  finansiero online?  
  6. Minister Hato ta bai duna instrukshon na mando polisial pa nan duna prioridat  na e investigashon di QuickPromo?  
  7. Kuantu víktima a hasi aangifte na polis kontra QuickPromo?  
  8. A duna instrukshon na bankonan lokal pa blòkia e kuentanan bankario di e  intermediarionan di QuickPromo? Si e kontesta ta afirmativo, ki dia e kuentanan  a wòrdu blòkia?  
  9. Kuantu sèn tin riba e kuentanan di QuickPromo i su intermediarionan?  11. Polis a interogá e tres doñonan di QuickPromo na Kòrsou kaba?  12. Ta kuantu polis a bira víktima di QuickPromo? Ki yudansa Minister Hato ta  ofresé na e polisnan ku a bira víktima di QuickPromo?  

Parlamentario Silvania ta manda prueba nr 5: Ekstrakto di Kámara di Komersio di e 3  eenmanszaken di QuickPromo na Korsou.  

  

Parlamentario Silvania ta apresiá si minister por duna kontesta riba e preguntanan  hasí por eskrito den un término rasonabel. Sperando riba bo kontesta i kualke otro  paso, mi ta keda,  

Sinseramente,  

Atentamente,  

Mr.drs. Javier Silvania,  

Parlamentario pa  

frakshon di MFK 

 

 

639114718427035"
639114718427035"