KOMUNIKADO KUERPO POLISIAL KORSOU TOPIKO: TEPNAN PA LADRONISIA DI OF DEN OUTO

KOMUNIKADO KUERPO POLISIAL KORSOU

no.: 382 /2016

Fecha: 9 novèmber 2016

Tópiko: Tepnan pa ladronisia di òf den outo.

Departamentu di Komunikashon i Prevenshon

KUERPO POLISIAL KÒRSOU
SIRBI I PROTEHÁ
________________________________________
Ladronisia for di den outo ta tuma lugá tambe, pasombra doñonan dje outo mes

ta neglishá ku nan vehíkulo i duna asina e ladron oportunidat fásil pa kibra den 

nan outo i/o bai ku esaki.

Aki ta sigui algun rekomendashon ku nos ke pa bo tene kuenta kuné.

 Sera bo outo na lòk. Maske lòkmentu di bo outo awendia no ta un garantia 

apsoluto ku nan lo no hòrta bo outo nunka, tòg e ta un estorbo pa e ladron. E ta 

eksigí hopi tempu di dje i esei no ta atraktivo . Tuma lòkmentu di bo outo pa 

kustumber.

 No laga bo vehíkulo para pafó di kura den oranan di anochi, si tin lugá paden.

 Wak unda bo ta parker bo outo. Semper trata di parker bo outo den un kaya ku 

hopi aktividat i bon iluminashon. Si bo ta parker bo outo den un lugá di parker 

outo, buska kaminda tin sufisiente iluminashon. 

 Awendia tin hopi aparato kontra hòrtamentu di outo riba merkado. Un di esnan 

mas simpel ta un suich skondé pa bo kòrta e koriente for di starter. Abo sa unda 

e suich ta, pero e ladron mester bai buska i e no ke pèrdè tempu.

 Inbertí den lòk pa stür, alarma pa outo òf un aparato kontra robo pa eliminá e 

riesgo di bira víktima di ladronisia di vehíkulo.

 No laga nada bisto den outo riba stul ets. Nan ta kibra bo outo pa kue nan. No 

laga ‘laptop’ etc. den outo dilanti pero tampoko den baul. E ladronnan ta kibra

bo glas di outo i yega te den baul di bo outo.

 Si nan dal patras di bo outo pa bo para, wak bon promé ku bo baha. E intenshon 

por ta pa ora bo baha, nan bai ku bo vehíkulo.

 Na lus di tráfiko anochi, opservá bon i wak kontinuamente den bo spilnan. Evitá 

sorpresa.

 Kore anochi ku tur bo portanan di lòk. Si un hende trata na habri bo porta di 

outo, ainda bo tin tempu pa reakshoná;

 Si bo ta wòrdu siguí, kore yega e warda di polis mas serka. 

 Sòru pa semper bo tin bo telefòn na man di manera ku bo por yama den kaso di 

emergensia mesora.

 Na momentu ku bo ta wòrdu ataká mientras bo ta den outo, kuminsá pita pa 

hala atenshon. Chèns ta grandi ku e malechor ta bati retirada.