Karta di parlamentario Curtley Obispo na Minister di Finansa, señor Kenneth Gijsbertha ku tópiko: Trayekto di fiha kuenta anual 2018 di Pais Kòrsou.

Posted by

Minister di Finansa  

Señor Kenneth Gijsbertha

Pietermaai #17/Pietermaai 4-4A

 

Djaweps, 4 aprel 2019

 

Tópiko:  Trayekto di fiha kuenta anual 2018 di Pais Kòrsou.

 

Apresiabel señor Minister Kenneth Gijsbertha,

 

Dia 24 aprel 2018, mi a skibi un karta pa Minister di Finansa tokante e trayekto di fiha kuenta anual (jaarrekeningtraject) 2015 te ku 2017 di Pais Kòrsou. E karta tabata basa entre otro riba e realidat ku Gobièrnunan anterior ku a goberná entre 10 òktober 2010 te ku 22 desèmber 2016, nunka no a logra di entrega na tempu na Parlamento di Kòrsou e kuentanan anual (jaarrekening) di añanan 2010 te ku 2015.  Karta ku minister a kontesta riba 27 ougùstùs 2018 i Minister a indiká ku lo aktua pa kuentanan anual ta na Parlamento di Kòrsou mas lihe ku ta posibel.

 

A base di e rapòrtnan di Kontrolaria General di Desèmber 2018 i Febrüari 2019, mi ta aploudí ku Minister di Finansa huntu ku henter e Gobièrnu di Kòrsou a hasi e trabou diligente i rápido pa den ménos ku 1 aña di tempu, a sòru pa e kuentanan anual di Pais Kòrsou 2015 te ku 2017 a wòrdu kontrolá dor di SOAB i Kontrolaria General di Kòrsou. Pa asina Gobièrnu di Kòrsou por sigui traha i despues di Konseho di Raad van Advies, entrega tambe e 3 konsepto di proyektonan di lei pa fiha e kuentanan anual di Pais Kòrsou over di añanan 2015 te ku 2017. Minister a indiká den un reunion di Parlamento di Kòrsou e aña aki, ku ta bai hasi máksimo esfuerso pa e konseptonan di lei di kuenta anual 2015 te ku 2017 ta entrega na Parlamento di Kòrsou no mas tarda den e di 2 kuartal di aña 2019. Gobièrnu di Kòrsou tambe lo kontesta mas pronto posibel e relato pa ku e proyekto di lei kuenta anual 2014 di Pais Kòrsou.

Tin e posibilidat real ku e aktual Gobièrnu di Kòrsou por entrega na tempu na Parlamento di Kòrsou den aña 2019 e kuenta anual 2018 di Pais Kòrsou. Pues pa promé biaha den historia di Pais Kòrsou for di 10 òktober 2010 tin e posibilidat real ku un Gobièrnu di Kòrsou: (1) por duna kuenta i rason na tempu na Parlamento di Kòrsou i (2) tur kuentanan anual anterior ta kontrolá i fiha dor di Parlamento di Kòrsou. Mi ta di opinion ku Gobièrnu di Kòrsou mester hasi tur esfuerso pa logra esaki pa Pais Kòrsou.

 

A base di artíkulonan 49, 50 i 51 di e Lei di Komptabilidat 2010 i su memoria di aklarashon, mi ta aserka Minister di Finansa ku e siguiente preguntanan, hasiendo uso di mi derecho komo parlamentario pa hasi pregunta konforme artíkulo 96 di Reglamentu di Orden di Parlamento di Kòrsou:

  1. Kua ta e planifikashon pa Gobièrnu di Kòrsou entrega e kuenta anual 2018 di Pais Kòrsou pa asina e accountant interno SOAB por hasi su trabou di kontrol?
  2. Kua ta e planifikashon pa Gobièrnu di Kòrsou entrega e kuenta anual 2018 di Pais Kòrsou pa asina e Kontrolaria General di Kòrsou por hasi su trabou di kontrol?
  3. Kua ta e planifikashon pa Gobièrnu di Kòrsou entrega e kuenta anual 2018 di Pais Kòrsou pa asina Konseho di Konsulta (Raad van Advies) por duna su konseho?
  4. A base di e planifikashon ku SOAB, Kontrolaria General di Kòrsou i Konseho di Konsulta. Gobièrnu di Kòrsou ta bai logra di entrega Parlamento di Kòrsou no mas tarda 1 desèmber 2019, e kuenta anual di Pais Kòrsou 2018?. Ta bai kumpli ku e fecha indiká di 1 desèmber den e lei di komptabilidat? Si òf No. Dikon si òf no.

 

Petishon na Minister di Finansa pa risibí e planifikashon kompleto pa asina por realisá ku Parlamento di Kòrsou ta risibí e kuenta anual 2018 di Pais Kòrsou no mas tarda 1 desèmber 2019.

 

Atentamente,

 

Curtley Obispo

Parlamentario pa Kòrsou

PAR

Potret 2019 parlamentario Curtley Obispo

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.