KOMUNIKADO DI KUERPO POLISIAL KÒRSOU Entrada hudisial ku detenshon i konfiskashon.
KOMUNIKADO DI KUERPO POLISIAL KÒRSOU
142 / 2019
5 aprel 2019
Entrada hudisial ku detenshon i konfiskashon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 5 di aprel 2019, alrededor di 05.35 or di mainta, personal di Tim di Aresto huntu ku di Tim di Atrako, a tene entrada hudisial en konekshon ku un ladronisia ku violensia ku atuma lugá dia 26 mart 2019, na un Mini Market den área di Banda Bou.
E entrada hudisial a tuma lugá na un kas den Heerlenstraat i tabata dirigí riba Lei di arma di kandela.
Durante di un investigashon na e adrès menshoná polis a haña i konfiská
Un arma di kandela.
En konekshon ku esaki a detené dos (2) hòmber sospechoso:
L.G.V., di 30 aña di edat i A.de J.V., di 18 aña di edat, ámbos nasé na Kòrsou.
A presentá tur dos sospechoso dilanti un Fiskal Ouksiliar ku a ordená nan enkarselamentu pendiente di mas investigashon.