Sanikolas huntu ku su pietnan di arko iris lo yega Kòrsou dia 19 di novèmber awor !

Sanikolas huntu ku su pietnan di arko iris lo yega Kòrsou dia 19 di novèmber awor !

Manera ya a bira un tradishon akí na Kòrsou, tur aña Sanikolas ta drenta haf di Kòrsou ku un kantidat di piet pa di forma ofisial habri e temporada di selebrashon di nos muchanan.
Fundashon Pa Nos Muchanan e aña aki un biaha mas den estrecho koperashon ku Hucor Nv ku su restorant nan KFC, Subway i Pizza Hut, Maduro & Curiels Bank i Lito, Cpa/Ktk, Tele Curacao, Refineria Isla, Fria, Curoil, Aqualectra, Sambil, Kvk, Auto City, Ennia, Curacao Food Trade ku nan produktonan Kellogs, Pringles i Tang, The Trader, Bab, Selikor, WTC, Fraal Import & Export, Lovers, Fundashon Lus I Speransa, Lions Club, Stichting Johannes Bosco, EM City Hotel, PWC, Mangusa supermarket, Dani’s Fruit Centre I Lucky Cosmetic, FDDK, Marchena Hardware i kuerpo polisial ku masha plaser a bin ta prepará e yegada aki mirando e kantidat di hende, spesialmente nos muchanan, na Kòrsou ku tur aña di nobo ta disfrutá di e fiesta akí.

Pa FPNM e fiesta di Sanikolas ta un fiesta di goso pa nos muchanan. E fiesta aki ta un fiesta ku nos por usa masha bon den edukshon di nos muchanan. Kaminda muchanan ku bon prestashon, muchanan ku ta hasi esfuersonan positivo ta keda premia i esnan ku tabata menos positivo ta hala nan atenshon pa otro aña hasié miho pa nan tambe keda premia den temporada di Sanikolas. Nos pietnan ta prepará pa laga e muchanan gosa ku nan kanto, baile, akrobasia i tur nan otro kos prètnan.
For di aña 2013 nos pietnan a pasa den un eksperensia masha bunita. Biniendo riba barku nan a pasa den un arko iris i algun a piki e kolonan i keda ku esakinan. Esei ta nifiká ku tin piet di tur koló.
Nos ta sumamente kontentu ku e fiesta aki ta posibel danki na koperashon di masha hopi spònser ku ta kere ku nos muchanan meresé di por disfrutá di e fiesta aki.
Nos di FPNM ta sumamente orguyoso di tabata e promé nan ku a dal un stap pa trese kambio den e fiesta akí. Awor Hulanda tambe a sigui ku e konsepto aki ku pietnan di diferente kolo i tambe “schoorsteen piet”.
Nos ta sumamente kontentu ku e fiesta aki ta posibel danki na koperashon di masha hopi spònser ku ta kere ku nos muchanan meresé di por disfrutá di e fiesta aki.
P’esei tur mucha di Kòrsou huntu ku nan mayornan ta invitá pa tei dia 19 di novèmber próksimo na tur e diferente sitionan ku Sanikolas ta bishitá e aña aki. For di 9or tur kos ta kuminsá riba Plasa Brion ku kanto i baile i musiká. Despues lo tin un tremendo show ku Sanikolas i su Pietnan a prepará. Pa 11or lo tin un parada ku ta krusa brùg bai Punda. Mientras ku e agrupashon musikal formá pa hóbenan Hype lo sigui ku ambiente riba Plasa Brion. 1or di mèrida KFC lo risibí Sanikolas i lo tin oportunidat pa saka potrèt ku Sanikolas tambe. Mitar di 4 Sanikolas lo tin otro dushi show den parke Tropikal. MCB Rooi Catootje, kamida e aktividat Auto, kas i mas ta tuma lugá, tambe lo risibí Sanikolas i su pietnan for di mitar di 5. I por último lo tin un tremendo show e aña akí atrobe den sentro komersial Sambil pa 6or di atardi.
FPNM ta invitá chikí i grandi pa bin disfrutá e aña aki tambe di Yegada di Sanikolas 2016.

sinterklaas

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: