Kampeonato Infantil di ahedres 2016

Ku inmenso plaser Federashon di Ahedres Korsou (FEDAKO) ta informa nos hobennan, mayornan i demas amantenan di e deporte noble di ahedres ku djasabra proksimo 12 di november, FEDAKO lo organisa e di dos kampeonato infantil di ahedres aki na Korsou. E evento spesial aki lo tuma luga na Sentro di Bario Janwe.
Kampeonatonan Infantil ta kompetensianan hopi usual den varios pais, kaminda ahedresistanan for di bou di 8 anya ta partisipa.
Na e evento di djasabra awor por partisipa muchanan ku a nase na anya 2002 of despues. Tur mucha ku partisipa lo hunga den un solo grupo pa determina ken lo bira e kampeon di ahedres infantil 2016. Na final di e kompetensia di 5 buelta di 15 minut pa wega pa kada partisipante lo evalua resultadonan individual segun edat pa premiashon di e kategorianan U14, U12, U10 i U8. Entrega di premio ta plania pa tuma luga 13:15 ‘or.
Inskripshon ta kosta fl. 5,– pa mucha i mester registra 12 di november awo pa mas tarda 09:30 ‘or di mainta na Sentro di Bario Janwe.
E kampeonato infantil lo ta un kalentamento pa e kampeonato hubenil ku FEDAKO tin programa pa luna di dezember. Pues un invitashon ta bai na un i tur pa bin mira nos chikitinnan den akshon demonstrando nan habilidatnan mental.
Pa mas informashon por yama 512 0007.