KÒRSOU TA MARKA HISTORIA KU TÍTULO DI GUINNESS WOLRD RECORDS KOMO E PAIS MAS CHIKÍ NA  POBLASHON KU A KLASIFIKÁ PA E KOPA MUNDIAL DI FIFA!

Un logro históriko i un momento di orguyo pa futbòl di Kòrsou!

Kòrsou a risibí ofisialmente un título di Guinness World Records pa bira e país mas chikí, segun su poblashon, ku a klasifiká pa e Kopa Mundial di FIFA. Esaki ta marka un logro ekstraordinario den historia di futbòl na nos isla.

E logro históriko aki a bira realidat riba 18 di novèmber 2025, ora Kòrsou a klasifiká pa e Kopa Mundial di FIFA 2026. E sertifikado ofisial di Guinness World Records a wòrdu entregá riba 14 di yüni 2026 na Houston, Texas, na sr.Gilbert Martina, kende tabata presidente di Federashon di Futbòl di Kòrsou na e momento ei.

Ku un poblashon di mas o menos 150.000 habitante, Kòrsou a demostrá ku grandesa no ta dependé di grandura. E logro remarkabel aki ta reflehá añanan di dedikashon, determinashon i pashon pa futbòl.

Federashon Futbòl Kòrsou ta selebrá ku orguyo e rekonosementu aki i ta felisita e hugadónan, e entrenadónan, e staf kompletu, komunidat futbolístiko, e pueblo di Kòrsou i tur persona ku a kontribuí ku e logro históriko aki.

E rekòrt mundial aki ta mas ku un logro den deporte. E ta un momento di orguyo nashonal i un fuente di inspirashon pa e generashonnan ku ta bin, ku ta demostrá ku asta e paisnan mas chikí por hasi historia riba e esenario mas grandi di mundu.

13 òktober 2026