ELOY ROOM TA RISIBÍ REKONOSEMENTU DI GUINNESS WORLD RECORDS PA SU PRESTASHON HISTÓRIKO NA KOPA MUNDIAL!
ELOY ROOM TA RISIBÍ REKONOSEMENTU DI GUINNESS WORLD RECORDS PA SU PRESTASHON HISTÓRIKO NA KOPA MUNDIAL!
Un momento di orguyo i di historia pa futbòl di Kòrsou!
Portero di e selekshon nashonal di Kòrsou, Eloy Room, a risibí ofisialmente un rekonosimentu di Guinness World Records pa su prestashon ekstraordinario na Kopa Mundial di FIFA 2026.
Durante e partido históriko di Kòrsou kontra di Ecuador, Room a demostrá un prestashon ekselente, logrando pa tapa 15 bala durante e tempu reglamentario di e partido. Ku su talento, determinashon i kapasidat pa sigui lucha, el a demostrá su abilidat riba e esenario di futbòl mas grandi na mundu.
E logro remarkabel aki a duna Room un lugá den historia di futbòl i ta representá un otro momento di orguyo pa futbòl di Kòrsou.
Federashon Futbòl Kòrsou ta felisitá Eloy Room i ta hopi orguyoso pa e rekonosimentu prestihioso aki. Su logro ta un inspirashon pa hóbennan ku ta praktiká futbòl riba henter nos isla i ta un prueba di e talento i potensial ku futbòl di Kòrsou tin.
Kòrsou ta orguyoso di bo, Eloy Room!
13 òktober 2026.
