NOS SELEKSHON TA DI LUTO DESPUES DI PÈRDIDÁ SENSIBEL DI NOS PORTERO JARZINHO PIETER!

NOS SELEKSHON TA DI LUTO DESPUES DI PÈRDIDÁ SENSIBEL DI NOS PORTERO JARZINHO PIETER!

 

Ku doló profundo na nos kurason nos ta anunsiá fayesementu repentino di nos miembro Jarzinho Pieter, kiper di nos selekshon nashonal. Jarzinho, un hóben futbolista prometedor ku un futuro briante su dilanti a fayesé di un forma repentino durante nos estadia na Haiti pa kumpli ku nos partidonan di e segundo buèlta di Nations League. Zinho semper tabata enkurashá, stimulá i motivá tur hungadó pa nan keda positivo i ku fe pa nos logra e viktoria. 

 

Manera ku e notisia tristu aki a drenta, mes ora a kuminsá kontemplá e kontinuashon di nos segundo partido di e di 2 buèlta di Nations League kontra Haiti ku mester tuma lugá mañan, 10 di sèptèmber, na Haiti. Despues di a reuní i mirando ku Zinho ta tin un nifikashon grandi den nos selekshon, e hungadónan unanimamente a tuma e desishon di kontinuá ku e partido di mañan i dediká esaki na Jarzinho Pieter!

 

Un selekshon kibrá pero ku forsa i boluntat pa saka kara di Zinho i pueblo di Kòrsou kompletu, lo enfrentá Haiti pa di 2 biaha mañan, 10 di sèptèmber pa 6’or di atardi den Sylvio Cator Stadium na Haiti. Nos hungadónan lo duna tur ku tin pa bolbe bai ku e viktoria na Haiti mes kos ku nos a logra djasabra último aki na Kòrsou.

 

Nos selekshon ta konta un biaha mas ku e sosten i apoyo di hinter Kòrsou i awor mas ku nunka pa por bolbe gana Haiti na honor di nos kiper Jarzinho Pieter i sigui logra stapnan grandi pa logra yega e final di Nations League.

 

Mas informashon di e fayesementu repentino aki ta sigui…

 

FFK i nos selekshon nashonal ta ekstendé su mas sentido pesame na tur famia, amigu i konosí di Zinho i na e pueblo di Kòrsou komletu! Sosegá na pas i drumi dushi den brasa di Señor Jarzinho Pieter…lo bo keda pa semper den nos kurason!

 

9 sèptèmber 2019

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: