ASOSIASHON DI PASHENTNAN KU STOMA, FUNDASHON ROSA TA ORGANISA INTERESANTE SIMPOSIO: FUTURO KU UN STOMA!

ASOSIASHON DI PASHENTNAN KU STOMA, FUNDASHON ROSA TA ORGANISA INTERESANTE SIMPOSIO: FUTURO KU UN STOMA!

 

Den kuadro di selebrashon di su 30 aña di eksistensia, riba djasabra 5 di òktober 2019 Fundashon ROSA, e asosiashon di pashèntnan ku un Stoma ta organisá un interesante simposio ku ta hiba di titulo: Futuro ku un Stoma. 

 

E simposio ta tuma lugá riba djasabra 5 di òktober 2019, di 8’or di mainta pa 1’or di mèrdia den e Ouditorio di Banko Sentral di Kòrsou i St. Maarten situá na Skarlo. Entrada ta GRATIS, pero mester registrá adelantá. Esaki por sosodé tantu via di Fundashon Rosa su pagina di facebook (www.facebook.com/fundashonrosacuracao) òf via di e-mail: stomavereniging@gmail.com òf via di e siguiente link: https://form.jotform.co/stomaverenigingrosa/conference-registration-fundashon-r.

Durante e simposio aki, diferente speshalista médiko i otro personanan ku ta elaborá den e área di kuido lo duna un presentashon pa asina trese mas komprenshon i konsientisashon riba e materia hopi importante aki. Lo bai tin presentashon di entre otro di dòkter di kas, di un Gastro-Enterólogo, un siruhano,  un Urólogo, un Nutrishonista/Dietista, lo splika tambe kiko ta un Tracheostoma, tambe lo elaborá riba e kuido despues di operashon, i na final un kliente ku un STOMA lo duna su testimonio.Un invitashon ta bai na henter komunidat pa akspetá e invitashon aki i partisipá na e simposio aki, ku ta sumamente interesante i informativo I kompletamente gratis. 

 

Ken ta Fundashon ROSA

Fundashon ROSA, ta e Asosiashon di Pashèntnan ku un STOMA ku a keda fundá na aña 1989 dor di algun profeshonal den kuido, pa duna yudansa i guia na personanan ku a risibí un STOMA. Nan tin komo meta stimulá un kondishon mas optimal posibel, tantu físiko, síkiko i sosial serka personanan ku tin un STOMA. Nan ke logra esaki dor di duna kuido i guia tantu promé komo despues di operashon. Tambe dor di duna guia na pashèntnan komo nan famia, dor di organisá kursonan speshal di moda ku su enfermeronan por keda na altura di e desaroyonan nobo riba tereno di kuido di STOMA. Finalmente nan ta organisá tambe aktividat pa su miembronan. Banda di aktividat sosial ta inkorporá informashon médiko i kuido di  STOMA. 

 

Pa mas informashon tokante Fundashon ROSA por pasa na nan Sentro di Informashon i Konseho situá na Scharlooweg 23 òf por yama na e siguiente numbernan di telefòn 465-7672 òf 562-8738 òf mail  stomaverenigingrosa@gmail.com.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: