KOMUNIKADO DI KUERPO POLISIAL KÒRSOU Tópiko: Sospechoso di atrako detené.

KOMUNIKADO DI KUERPO POLISIAL KÒRSOU
no.: 383 /2016
Fecha: 9 novèmber 2016
Tópiko: Sospechoso di atrako detené.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

________________________________________

Awe atardi alrededor di 17.10’or, personal di e tim di aresto konhuntamente ku tim di atrako a detené e hòmber N.E.E. nasé na Kòrsou di 21 aña di edat na su kas den Bonam. E detenshon ta en konekshon ku un kaso di atrako ku a tuma lugá ayera nochi 8 di novèmber 2016 alrededor di 19.15’ or na un supermerkado den Breedestraat Otrabanda. Despues di su detenshon polis a hasi búskeda den e kas i den un rugtas polis a haña i konfiská un arma di kandela i un mùts. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

Ku e detenshon aki Polis ke mustra ku nos ta trahando hopi serio riba e krímennan ku ta asotando nos komunidat. Tambe Polis ke keda konta riba yudansa di komunidat pa nos por sigui atendé e kasonan aki di un manera diligente.