Trabounan na Grebbelinieweg ta avansá

Trabounan na Grebbelinieweg ta avansá

Willemstad – Minister Camelia-Römer huntu ku Servisio pa Obra Públiko ta anunsiá ku trabounan na Grebbelinieweg ta avansá segun planifikashon. Despues ku trabounan na sistema di riol a okashoná un kambio den e planifikashon, awor ta sigui ku fase 3 di e proyekto di mantenshon di Grebbelinieweg i besindario. E siguiente pida kaya ku ta bai traha riba dje ta for di Brionschool te ku UTS. E trabounan aki ta sigui entrante djaluna awor, dia 14 di novèmber 2016.

Durante ehekushon di e proyekto, outomobilistanan mester hasi uso di rutanan di desviashon indiká via bòrchinan. Apesar di esaki, tur habitante lo por sali i yega nan kas. Durante ehekushon por tin molèster di zonido i stòf. Ta pidi habitantenan pa tene komprenshon ku esakinan i ta gradisí di antemano pa e kooperashon.