Dia 9 desèmber tratamentu pro-forma kaso “Drum”

Dia 9 desèmber tratamentu pro-forma kaso “Drum”

Ministerio Públiko (OM) BES ta bai dagfar e sospechosonan den kaso “Drum” pa tratamentu pro-forma dia 9 di desèmber 2016, 09:30 or di mainta. Ya kaba a informá defensa di e planifikashon aki. Denter di término hopi kòrtiku ta bai prepará e dagfar pa entrega esaki nan e sospechosonan.

Tratamentu di e kaso dia 9 desèmber ta un asina yamá pro-forma. Esei ta nifiká ku lo no bai tratá e kaso ku kontenido. No ta bai tratá e pruebanan ku sospechosonan e dia ei. Si ta kustumber pa duna abogadonan i e sospechosonan e oportunidat pa hasí petishon pa mas investigashon. Wes lo disidí finalmente si ta otorgá e petishon òf petishonnan.

Den kaso “Drum” tin manera ta konosí 7 sospechoso sera den detenshon preventivo. E investigashon ta ketu bai andando i kada bes ta haña un mihó bista ta kiko eksaktamente a pasa e anochi di 17 di ougùstùs durante e atrako armá i e tiroteo ku a tuma lugá despues, i na unda polis Ferry Bakx a bin pèrdè su bida. E investigashon ta aktualmente den un fase na unda mester bai skucha koleganan di Ferry Bakx pa komplementá e imágen di tur loke a pasa. Riba petishon di Ministerio Públiko i Korps Politie Caribisch Nederland (KPCN) lo keda hasí pa funshonarionan di Rijksrecherche, ku den kuadro di “Drum” lo bai forma parti di e totalidat di investigashon.

Tantu KPCN komo Ministerio Públiko ta di opinion ku den kuadro di ophetividat no mag keda ningun duda den e investigashon aki. Esei ta e motibu ku, komo ku ta tratá di miembronan di KPCN, Rijksrecherche lo fungi komo e instansia investigativo.

Kralendijk, 11 novèmber 2016

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: