NOTISIA DI POLIS ARUBA DJARASON 9 NOV 2016


PÈRSONA SOSPECHOSO

Via telefòn a drenta e mèlding ku na Gomez Tire Repair Shop, lo tabatin un hòmber sospechoso ta kana rònt i ku lo a mishi ku e portanan parti patras di e bibienda.
E hòmber sospechoso lo tabata bistí na pretu.
Na e sitio polisnan a nota un Toyota Celica kolor di plata numerá A-48623, stashoná dilanti di Gomez Tire Repair Shop.
Polisnan a baha for di nan vehíkulo i enbèrdat a bin topa ku un hòmber na pretu riba e tereno di e bibienda situá  na Boegoeroei 88-A, kanando rònt.
Polisnan a aserká e hòmber i a purba na papia kuné.
I a bin sali na klá ku no tabatin motibu pa detené, ya komo ku e tabata fuertemente bou di influensia di bibida alkohóliko.
Praktikamente e no por a para riba su pianan, su wowonan tabata kòrá i tabata papia ku lenga pisá i tabata tur konfundí.
Pero tambe el a destruí un.outo blou skúr, un Kia Rio, numerá A-15816, ku tabata pará riba e tereno.
E sospechoso JAAG a wòrdu detené riba 9 november 2016, pa banda 04:15, pa kaso di violashon di artíkulo 2:334 i artíkulo 3:52, segun e buki di Lei di Aruba i finalmente hibá na warda di polis na Shaba.
Pa banda di 04:35, e sospechoso a wòrdu hibá na HOvJ, kaminda lo a sigui ku e investigashon i despues enkarsel’é na warda di polis na Shaba.
=
=======================

         LADRONISIA
SCP a dirigí patruya San Nicolas na Vuyst pa un kaso di ladronisia.
Na e sitio a pp ku e pèrsona ku a hasi yamada na polis, kende a deklará di ta propietario di e kompanía di konstrukshon.
I ku nan tabata konstruyendo un kas den e bario di Vuyst na altura di kas number 10.
E ta sigui bisa ku e dia promé, esta 8 november 2016, nan tur a bandoná e tereno pa banda di 17:00.
I ku el a laga tur su hèrmèntnan di trabou den 2 émer den e promé baño situá  na parti ost di e kas den konstrukshon.
Den e di 2 baño situá  na parti nort di e kas den konstrukshon, el a laga su gèneretor di kolor pretu i blou, di kual e no por a korda  e marka.
Tambe e tabatin un krenwá eyden. Tur 2 a wòrdu hòrtá.
E hòmber a remarká ku si e mira un hende ku su propiedat lo e kitanan for di dj’é
Denunsia a wòrdu tumá
=
=======================

         DESTRUKSHON

Durante patruyahe, SCP a dirigí patruya na skol básiko AYO, pa un kaso di kiebro.
Na e sitio polis a bin  topa un señora ku despues a sali na klá di ta di nòmber T.
El a deklará ku e ta traha na e skol ariba menshoná.
T ta sigui deklará ku el a yega skol pa banda di 07:15 i a ripará ku deskonosi(nan)
a kibra e kantor di dosentenan.
T ta sigui bisa ku nan lo a destruí e plafòn i drenta di eynan.
El a nota ku nan a bruha den henter e kantor. I ku tambe nan a kushiná i laga un desòrdu atras.
Mas despues T a bai kontrolá den e otro klasnan i a ripará ku deskonosí(nan) a drenta e klasnan.
Nan no a bai ku nada, pero si a bruha e kantornan.
SCP a wòrdu poné na altura di e kaso.
=
=======================

             DENUNSIA

E dama di nòmber R a deklará na polisnan, ku e dia promé, esta, 9 november 2016, el a stashoná su outo riba e tereno di stashoná outo dilanti di e edifisio.
Ta trata di un outo Toyota Tercel kolor ros, numerá A-9365
Dia 9 november 2016 último pa banda di 06:30, ora ku el a sali pafó pa hiba su yu skol, el a ripará ku e 2 lusnan di parti patras di e outo a wòrdu hòrtá.

Denunsia e wòrdu tumá.
=
=======================

            LADRONISIA

Riba 9 november 2016, CVD, a dirigí patruya di STRAND, na Low Rise Hotel en konekshon ku un kaso di robo den un dje kambernan di hotèl.
Den e kamber, polisnan a papia  ku e  hòmber JJB, kende a deklará ku e tin 33 aña kaba riba Aruba.
Mas aleu e ta deklará ku e tin kustumber di spierta 04:30 i a bai drumi riba un stul kantu di playa pa mas o menos 1ora i despues kana bai bali pa un korant i pa despues bolbe kana bai su kamber.
Awe lo e mester a hasi meskos i pa banda  di 05:10 el a yega su kamber bèk. Pa banda di 07:45, el a spierta i a ripará ku su telefòn i su pòtmoni no tabat’ey. 
Riba un kashi den e habitashon el a mira diferente tarheta ku e tabatin den su pòtmoni. El a haña esaki straño i ora ku el a bolbe tira un bista,  el a ripará ku e lachinan di e kashi tabata habrí.
Segun JJB. e porta di skuif lo no tabata sera bon pues e no por kòrda masha bon ku el a pone esaki na lòk

Denunsia a wòrdu tumá.
=
=======================

           SÈN FALSU.

Via telefòn a drenta na warda di polis informashon tokante un biyete falsu di $100 ku a yega na High Rise  Hotel.
Na e sitio polisnan a papia ku e hòmber di nòmberJTMD, un turista venezolano ku tabata huntu ku su esposa, i ku nèt tabata chèk in na e hotèl.
JTMD Dolande a deklará ku ta serka un dòkter venezolano e lo a kambia e biyete di $100 aki i ku e no tabata sa ku ta trata di sèn falsu.
E kolaboradora na bali a kontrolá e otro biyetenan di dòllar, pero nan no tabata falsu.
Polis a konfiská esun biyete di $100 ku tabata falsu.
Hefe na warda na sentrale pòst a wòrdu poné na altura di e kaso.
=
=======================

              AMENASA
Riba 9 november 2016 último SCP a dirigí patruya  pa di 2  biaha na Alto Vista pa un kaso di amenasa.
Na e sitio a topa e konosido R.W., kende a deklará ku nèt el a yega su kas, i a tende di su tata ku 3 hòmber a presentá na kas di su tata, na Alto Vista.
E tata a deklará ku e personanan tbt ekspresá  nan mes den e idioma papiamentu, bisando ku: “Sii haña RW, mi ta maté.” 
E hòmber lo tabatin un kuchú den su man i tabata bati ku esaki kontra e outo.
RW a deklará mas aleu ku e tabata sa ken e hòmbernan aki tabata..
El a menshoná e nòmber Manuel i bisa ku e tabata un hòmber dominikano ku lo ta biba na Calabas. E hombernan tabatata den un Toyota Corolla kolor kòrá.
Segun RW, e hòmbernan aki lo ta pensa ku el a kohe  algu di nan.
Pero segun  Rudolf esaki no ta e kaso.
SCP a wòrdu poné na altura di e kaso.
A mustra RW riba su derechonan.
=
=======================

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: