MALECHORNAN TA JOYRIDE AMBULANCE
Durante oranan trempan di anochi tabata tin un persona ku a bira malu den Primas Restaurant situá na Bramendiweg. E persona tabata rekerí asistensia mediko i a pidi asistensia di ambulans p’e. Na yegada di e ambulans, e personal a baha bai paden pa por duna e asistensia neesario. Na momentu ku e personal di ambulans a sali bèk nan a nota ku e ambulans no tabata stashoná mas kaminda nan a lag’e.
Algun ratu pasá outoridatnan a lokalisá e ambulans aki den Steenmijweg. Alabes a logra pone man riba e hòmber ku a joyride e ambulans aki. Pa kolmo e hòmber aki mes tambe a bira malu i e personal di ambulans ta transport’é rumbo pa poliklinika di Sehos.