Ministernan na Kòrsou ta hasi nan mes kulpabel di miyones na froude

Ministernan na Kòrsou ta hasi nan mes kulpabel di miyones na froude
Un rapòrt prosedente di Algemene Rekenkamer ta indiká ku durante añanan 2014 i 2015 e ministernan ku tabata na mando a akordá òrdunan di trabou balorá na un total di miyones di florin Antiyano. Esaki mientras ku e ministernan aki no ta outorisá pa firma.
Amtenarnan ku risibí e outorisashon pa firma for di Ministerio di Finansa ta aparesé riba un lista.
Algemene Rekenkamer a deskubrí ku e lista di outorisashon pa firma no ta eksistí na varios ministerio òf e no ta aktual. 
Ta trata di un total di kasi 700 òrdu di trabou ku ta keda balorá na mas ku 8 miyon florin.
Minister demishonario di SOAW, sra. Ruthmila Larmonie, ta keda konsiderá komo esun ku a firma pa e suma di mas haltu. Tin un kaso sigur den kual el a subi supsidio pa un kompania di un miembro di partido, di 80 mil florin pa 600 mil florin.
Minister President demishonario, sr. Ben Whiteman, tampoko no a aktuá konforme regla. Otro amtenarnan ku a mustra e ministernan riba nan fayo tabata risibí overplaatsing òf kastigu disiplinario.
Ta trata di ministernan di partido PS, Pueblo Soberano.
E rapòrt ofisial mester keda publiká ainda, pero parlamentarionan a kuminsá kuestioná e kaso aki pa motibu ku partido PS a keda postulá pa 2 kartera di minister den e gobiernu nobo. Un di e kantidatonan pa un kartera di minister ta Ruthmila Larmonie ku ta keda menshoná komo e minister ku a kometé froude pa e montante di mas haltu segun e rapòrt.