Pronóstiko di tempu pa Kòrsou i bisindario bálido te djáweps mainta 06:00 o.l., 17 di novèmber 2016.

Pronóstiko
 Pronóstiko di tempu pa Kòrsou i bisindario bálido te djáweps mainta 06:00 o.l., 17 di novèmber 2016.
Kompilá: Djárason 16 di novèmber 2016, 05:00 o.l. (09:00 UTC).
Tempu: Levemente te parsialmente nublá i durante awe den dia, tin momento por bira hopi nublá ku algun áwaseru lokal. 
No ta eksklui e posibilidat ku bos por zona. Tambe tin chèns ku áwaseru por kousa molèster sierto parti di e isla.
Temperatura máksimo lo por alkansá 32°C. i temperatura mínimo 25̊C. 
Solo ta sali 06:34 i ta baha 18:07 o.l.
Bientu: Por lo general for di direkshon ost i suak te moderá; forsa 2 te 4 (7 te 30 km/ora, 4 te 16 nudo). Prinsipalmente den dia of durante áwaseru de bes en kuando basta fuerte den ráfaga; forsa 5 (31 te 39 km/h, 17 te 21 nudo). 
Situashon general: Areanan chikì ku nubia for di kua por desaroyá algun áwaseru, lo pasa durante di e próksimo 24 ora, ofer di Kòrsou. Debi na e bientu suak e nubianan aki ta move basta poko poko i por okashoná lokalmente basta awa den korto tempu, esaki na su turno por kousa molèster na e kamindanan di kustumber.

Kondishon di laman: Por lo general trankil ku altura di olanan menos ku 1.5 meter (0 te 4 pia).

Sistemanan signifikante di wer tropikal: Ningun.

Fenómeno spesial: Ningun.
Perspektiva te djabièrnè mainta: Parsialmente nublá, tin momento lo bira hopi nublá ku algun áwaseru lokal. 
No ta eksklui chèns pa welek ku bos. Bientu ta keda suak.

Meteorólogo: Statia.

E próksimo boletin di tempu lo wòrdu publiká djárason 11:00 o.l. (15:00 UTC)