Jazz Meets Cultures ku tremendo bishita promoshonal na Aruba
Jazz Meets Cultures ku tremendo bishita promoshonal na Aruba
Jazz Meets Cultures ya no ta un nòmber deskonosí den nos komunidat. Ya ta hopi ta e personanan ku ta wardando djasabra 1 di yüni yega pa por kue kaminda pa Landhuis Brievengat.
Manera ya konosí, e aña aki e ‘lineup’ di artista lo konta ku Ataniro i Rocco Franken for di Aruba, huntu ku Tsean for di Hulanda i mas di 20 artista lokal mas. Fin di siman tras di lomba e tim di Jazz Meets Cultures a partisipá na e evento promoshonal di Curaçao Tourist Board na Aruba den kua a promové entre otro diferente evento i hotèlnan di Kòrsou; riba djabièrne a tene un konferensha di prensa ku medionan di komunikashon rubiano i djasabra un asina yamá “Bin Topa Kòrsou”, ku Buleria serando e anochi di aktividat.
E tim di JMC ta wak bèk riba un fin di siman sumamente eksitoso kaminda no solamente a laga e komunidat di Aruba sera konosí ku Jazz Meets Cultures, pero tambe a probechá pa maestro Dennis Aalse topa ku e dos artistanan menshoná i kuminsá ku nan preparashonnan!
Mas ku klaro ku na Aruba tambe tin promoshon andando den media di e di tres edishon di Jazz Meets Cultures i tambe tin karchi na benta na Hamaka Sidewalk Café i e diferente agensianan di biahe.
Abo ku no tin bo karchi di entrada ainda, hasi lihé buska di bo na balor di fl 65,- na un di e puntonan di benta ku ta Beep Beep, 24 Uur uit de Muur, Mensing’s, van den Tweel Supermarket Zeelandia i Janthiel i tambe online riba website di Tickets Caribbean. Tambe tin oportunidat pa kumpra karchi ku bo ‘miles’ na ofisina di Fun Miles. Entrada VIP ta fl. 175,- optenibel solamente via 540-0111.
Informashon
Pa kualke informashon di Jazz Meets Cultures 2019, por chèk su página di Facebook i tambe Instagram, bou di e nòmber JazzMeetsCultures, via email na info@jazzmeetscultures.com òf tambe via di e number di telefon 540-0111.
