Sithree “Cey” van Heydoorn i Mayor Quinton Lucas.
Sithree “Cey” van Heydoorn i Mayor Quinton Lucas.
Aki na Kansas City, mi a tabata tin e honor di partisipá ayera anochi den un enkuentro speshal ku a marka e kuminsamentu di Curaçao Meets Kansas City.
Huntu ku representantenan di e sektor empresarial, gubernamental i diferente organisashonnan, nos a kompartí ideanan i eksplorá oportunidatnan pa fortalesé e relashonnan entre Kòrsou i Kansas City.
Durante mi speech na nòmber di Gobièrnu di Kòrsou, mi a enfatisá e importansia di partnernan fuerte, inovashon i e oportunidatnan ekstraordinario ku Mundial FIFA 2026 ta brindá pa nos isla.
Tabata un anochi inspirado kaminda kontaktonan nobo a wòrdu kreá i relashonnan eksistente a keda fortifiká.
E tipo di enkuentro nan aki ta importante pa sigui posishoná Kòrsou komo un sosio serio i konfiabel riba esenario internashonal.
Awe nos a sigui ku e evento empresarial Curaçao Meets Kansas City, ku lo sigui habri porta pa mas kolaborashon, invershon i oportunidatnan pa nos pueblo.
639114718427035"
639114718427035"