Lokalidat di Erasmo den renobashon
WILLEMSTAD – Direktor di Sektor di Enseñansa i Siensia sr. Wladimir Kleinmoedig huntu ku sekretario di Estado sra. Alexandra van Huffelen a haña un rekorido den e lokalidat di Skol di Fundeshi Kolegio Erasmo ku ta den mantenshon i renobashon. Durante di e bishita i rekorido represenantenan di Stichting Onderhoud Schoolgebouw (SOS) a duna splikashon i tambe sra. Alexandra a sera konosí ku e kontratista i e arkitekto ku ta trahando riba e proyekto aki. Ta kalkulá ku e skol di fundeshi Kolegio Erasmo ta muda bèk bai den nan edifisio nobo pa yüni 2024.















