Bishita na skol Kolegio Erasmo

WILLEMSTAD – Minister di Enseñansa, Siensia, Kultura i Deporte sr. Sithree van Heydoorn a hasi bishita na Skol di Fundeshi Kolegio Erasmo huntu ku Sekretario di Estado sra. Alexandra van Huffelen. Minister i Sekretario di Estado a keda risibí pa e direktor di Skol Humanista na papiamentu sra. Nihayra Leona, representantenan di SOS i mas dignatario di enseñansa. Alumnonan di e skol a tene un bunita presentashon den un ambiente kultural i tambe a duna sra. A. van Huffelen un rekorido chikitu den algun di e lokalnan. E skol aktualmente ta den e lokalidat di Kolegio Cola Debrot (wisselschool) i e lokalidat di e skol mes ta den renobashon.