Parlamento a trata e “Landsverordening tot wijziging van de Landsverordening openbare orde” den un Reunion Públiko.
Parlamento di Kòrsou
Parlamento a trata e “Landsverordening tot wijziging van de Landsverordening openbare orde” den un Reunion Públiko.
Djaweps 20 di mart 2024, Miembronan di Parlamento a bin huntu den un Reunion Públiko pa deliberá tokante e konsepto di lei pa adaptashon di e ordenansa di órden públiko. Sra. Giselle Mc William ku a entregá e inisiativa di lei aki, a duna un presentashon na inisio di e reunion.
Seguidamente miembronan di Parlamento a hasi vários pregunta relashoná ku e tópiko.
Despues di kontestanan den dos tanda, miembronan primeramente a aproba dos amienda pa kambionan na e konsepto i despues a aproba e proyekto di lei den su totalidat.
Tambe Parlamento a aproba tres (3) moshon na final di e reunion.






