Moshon Integridat atministrativo i Kultura di miedu den kuerpo di ámtenar
Moshon
Moshon Integridat atministrativo i
Kultura di miedu den kuerpo di ámtenar
Kralendijk, 11 di òktober 2022
Moshon entregá pa Konsehal Désirée Coffie di Frakshon Coffie.
Moshon entregá na Konseho Insular, 11 di òktober 2022.
Konseho Insular, reuní den reunion públiko fechá 11 di òktober 2022, tratando e punto di agènda “bestuurlijke integriteit en heersende angstcultuur bij ambtenaren” den sala di Pasanggrahan.
Konsiderando ku:
- Konseho Insular ta haña señalnan di posibel violashon di integridat, konflikto di interes, pero tambe di intimidashon, menasa kontra empleadonan públiko den ehekushon di nan funshon;
- E señalnan aki ta krea hopi inkietut i ta tacha e konfiansa di komunidat den su aparato gubernamental;
- Resientemente un publikashon den medionan a trese atrobe bastante inkietut pa loke ta komportashon íntegro di miembronan di gobernashon, pero tambe a hasi menshon di un kultura di miedu fuerte bou di empleadonan públiko den ehekushon di nan funshon;
- Pa honra e prinsipio di ophetividat, ta nesesario pa un investigashon eksterno independiente trese klaridat den e situashon ku a surgi.
Ta disidí:
- Ku Konseho Insular lo aserká un büró independiente eksterno pa hasi un investigashon riba e publikashonnan aki i trese klaridat.
- Pa enkargá presidio i grefi di Konseho Insular pa aserká e büró BING na Hulanda pa hasi tal investigashon.
I ta pasa pa órden di dia.
Na e moshon aki ta referí komo: ‘Moshon Integridat Atministrativo i Kultura di miedu den kuerpo di ámtenar’.
Coffie :
Frakshon Coffie
