MEO ku sinku evento pa yuda empresarionan krese i bira mas kompetitivo / MEO helpt ondernemers groeien met vijf evenementen

WILLEMSTAD – Den kuadro di Global Entrepreneurship Week 2026, Ministerio di Desaroyo Ekonómiko (MEO), bou di guia di Minister di Desaroyo Ekonómiko, Dr. Roderick Middelhof, ta organisá sinku evento entre 9 i 25 di novèmber. E programa ta forma parti di e kompromiso di minister pa fortalesé e ambiente empresarial di Kòrsou. E ta dirigí na empresarionan lokal, kompanianan chikí i mediano i organisashonnan ku ke traha mas efisiente, amplia nan merkado i prepará pa futuro.

MEO ta organisá e eventonan via e programa di Landspakket pa redusí trámitenan i gastunan di hasi negoshi, huntu ku Mi NEGOSHI Shared & Support Services. Kada evento ta enfoká riba un tema práktiko: sostenibilidat, benta, protekshon di entrada, hasi negoshi ku Gobièrnu i konektá empresanan ku tin un reto ku empresanan lokal ku por ofresé un solushon.

 

9 di novèmber – Oumentá bo kompetitividat ku strategianan internashonal di sostenibilidat ESG

3:00–5:00 PM | Amazia, edifisio di MEO | Ingles

Práktikanan relashoná ku medioambiente, responsabilidat sosial i bon maneho di empresa, konosí komo ESG, ta bira kada bes mas importante. Esaki ta konta spesialmente pa empresanan ku ta forma parti di kadenanan internashonal di produkshon i komèrsio. Durante e workshop práktiko, partisipantenan lo mira kon protekshon di medioambiente, sosten di personal i komunidat, i kumplimentu ku lei por yuda un empresa redusí gastu i riesgo, krea oportunidat nobo i fortalesé su posishon den merkado. Danielle Cohen Henriquez, MBA, lo dirigí e seshon. E ta un spesialista lokal den sostenibilidat i desaroyo di negoshi ku eksperensia internashonal amplio. E ta tambe Coach pa Futuro di MEO.

 

16 di novèmber – Kon pa yega na bo promé 10.000 pa luna

9:00 AM–1:00 PM | Elevation Rooftop Curaçao | Papiamentu

Hopi empresario chikí ta logra kuminsá nan negoshi, pero despues ta yega na un punto kaminda nan benta no ta krese mas. E evento aki lo ofresé método i strategianan práktiko pa mehorá benta, atraé mas kliente i traha riba kresementu pa término largu. E programa ta kombiná un workshop, kontenido di motivashon, brùnch i oportunidat pa konektá ku otro empresario. E fasilitadónan ta: Sigmara Gijsbertha, business coach i propietario di Sigmara Gijsbertha Academy i Irvinia Wout-Daantje, spesialista den salú di kabei i propietario di Nina Hair. Kosto di partisipashon: XCG 125 pa persona.

 

17 di novèmber – Protekshon di entrada pa empresario

3:00–5:00 PM | Amazia Restaurant | Papiamentu

Entrada di un empresario por kambia pa motibu di situashonnan inesperá, manera un problema di salú, kambio den ekonomia òf kambio den merkado. Esaki por pone tantu kontinuidat di e empresa komo stabilidat finansiero di e empresario i su famia bou di preshon. Durante e seshon, doñonan di kompanianan chikí i mediano lo risibí informashon i konseho práktiko pa protehá nan entrada i prepará pa riesgonan finansiero. E fasilitadó ta Rusheedia Maduro, Financial Protection Advisor. Entrada ta grátis.

 

19 di novèmber – Hasi negoshi ku Gobièrnu

2:00–5:00 PM | Amazia, edifisio di MEO

Kompra i kontratashon di Gobièrnu por ofresé oportunidat na empresanan lokal. Sin embargo, hopi empresario no konosé e plannan di kompra di Gobièrnu, e proseduranan pa partisipá ni e dokumentonan nesesario. E workshop lo splika e normanan di kalidat, kon pa partisipá den un prosedura di oferta, e reglanan di integridat, dokumentonan pa pago i maneho di entrada i salida di plaka. E fasilitadó prinsipal ta Royston Paulina MSc., Direktor Finansiero di MEO.

 

25 di novèmber – BIZ2BIZ: Konektá empresanan ku solushonnan lokal

6:00–9:00 PM | Amazia, edifisio di MEO, Pletterijweg

Hopi empresa tin retonan ku por tin un solushon lokal kaba p’e. Sin embargo, e empresa ku tin e reto i e empresa ku tin e solushon no semper konosé otro. BIZ2BIZ ta konektá empresa, organisashon di Gobièrnu, fundashon i asosashon ku proveedónan lokal di produkto i servisio. Empresanan ku ta ofresé un produkto òf servisio nobo òf ménos konosí por duna un presentashon kortiku, konosí komo un elevator pitch. Organisashonnan ku tin un reto ta invitá tambe pa presentá nan nesesidat. E solushonnan por yuda empresanan redusí gastu, spar tempu, mehorá kalidat, kumpli ku lei, oumentá ganashi òf drenta merkadonan internashonal. Empresanan for di komèrsio, konstrukshon, turismo, industria, utilidat, transporte, servisio profeshonal i otro sektornan ta bon biní. MEO ta organisá BIZ2BIZ huntu ku OCBN – One Caribbean Business Network i Curaçao Tech Meetups.

 

Mehorá e ambiente empresarial di Kòrsou

Ku e sinku eventonan aki, MEO ke duna empresarionan konosementu, kontakto i instrumento ku nan por usa direktamente den nan negoshi. E programa ta sostené e metanan di Landspakket E.6.3 pa redusí trámitenan administrativo, baha e gastunan di hasi negoshi i mehorá e ambiente empresarial na Kòrsou.

Pa registrashon i mas informashon, sigui e páginanan ofisial di Ministerio di Desaroyo Ekonómiko i Mi NEGOSHI riba Facebook i Instagram, òf yama MEO na +599 9 462 1444.

 

---

 

 

WILLEMSTAD – In het kader van de Global Entrepreneurship Week 2026 organiseert het Ministerie van Economische Ontwikkeling (MEO), onder leiding van minister van Economische Ontwikkeling dr. Roderick Middelhof, vijf evenementen tussen 9 en 25 november. Het programma maakt deel uit van de inzet van de minister om het ondernemersklimaat op Curaçao te versterken. Het is bedoeld voor lokale ondernemers, kleine en middelgrote bedrijven en organisaties die efficiënter willen werken, hun markt willen uitbreiden en zich willen voorbereiden op de toekomst.

MEO organiseert de evenementen via het programma Landspakket voor het verminderen van administratieve procedures en de kosten van zakendoen, samen met Mi NEGOSHI Shared & Support Services. Elk evenement richt zich op een praktisch onderwerp: duurzaamheid, verkoop, inkomensbescherming, zakendoen met de overheid en het verbinden van bedrijven met een uitdaging aan lokale bedrijven die een oplossing kunnen bieden.

 

9 november – Vergroot uw concurrentiekracht met internationale ESG-duurzaamheidsstrategieën

15.00–17.00 uur | Amazia, MEO-gebouw | Engels

Praktijken op het gebied van milieu, sociale verantwoordelijkheid en goed ondernemingsbestuur, bekend als ESG, worden steeds belangrijker. Dit geldt vooral voor bedrijven die deel uitmaken van internationale productie- en handelsketens. Tijdens deze praktische workshop ontdekken deelnemers hoe de bescherming van het milieu, ondersteuning van medewerkers en de gemeenschap en het naleven van wet- en regelgeving een bedrijf kunnen helpen om kosten en risico’s te verlagen, nieuwe kansen te creëren en zijn positie op de markt te versterken. Danielle Cohen Henriquez, MBA, leidt de bijeenkomst. Zij is een lokale specialist op het gebied van duurzaamheid en bedrijfsontwikkeling en heeft ruime internationale ervaring. Ook is zij Coach pa Futuro van MEO.

 

16 november – Zo bereikt u uw eerste 10.000 per maand

09.00–13.00 uur | Elevation Rooftop Curaçao | Papiaments

Veel kleine ondernemers slagen erin om hun bedrijf te starten, maar bereiken daarna een punt waarop hun verkoop niet verder groeit. Dit evenement biedt praktische methoden en strategieën om de verkoop te verbeteren, meer klanten aan te trekken en te werken aan groei op lange termijn. Het programma bestaat uit een workshop, motiverende onderdelen, een brunch en mogelijkheden om in contact te komen met andere ondernemers. De begeleiders zijn: Sigmara Gijsbertha, businesscoach en eigenaar van Sigmara Gijsbertha Academy, en Irvinia Wout-Daantje, specialist op het gebied van haargezondheid en eigenaar van Nina Hair. Deelnamekosten: XCG 125 per persoon.

 

17 november – Inkomensbescherming voor ondernemers

15.00–17.00 uur | Amazia Restaurant | Papiaments

Het inkomen van een ondernemer kan veranderen door onverwachte situaties, zoals gezondheidsproblemen of veranderingen in de economie of de markt. Hierdoor kunnen zowel de voortzetting van het bedrijf als de financiële stabiliteit van de ondernemer en diens gezin onder druk komen te staan. Tijdens deze bijeenkomst ontvangen eigenaren van kleine en middelgrote bedrijven praktische informatie en advies om hun inkomen te beschermen en zich voor te bereiden op financiële risico’s. De begeleider is Rusheedia Maduro, Financial Protection Advisor. Deelname is gratis.

 

19 november – Zakendoen met de overheid

14.00–17.00 uur | Amazia, MEO-gebouw

Inkoop en aanbestedingen van de overheid kunnen kansen bieden aan lokale bedrijven. Veel ondernemers zijn echter niet bekend met de inkoopplannen van de overheid, de procedures om deel te nemen of de documenten die daarvoor nodig zijn. De workshop geeft uitleg over kwaliteitsnormen, deelname aan een aanbestedingsprocedure, integriteitsregels, documenten voor betalingen en het beheren van inkomende en uitgaande geldstromen. De hoofdbegeleider is Royston Paulina MSc., financieel directeur van MEO.

 

25 november – BIZ2BIZ: Bedrijven verbinden met lokale oplossingen

18.00–21.00 uur | Amazia, MEO-gebouw, Pletterijweg

Veel bedrijven hebben uitdagingen waarvoor mogelijk al een lokale oplossing bestaat. Het bedrijf met de uitdaging en het bedrijf met de oplossing kennen elkaar echter niet altijd. BIZ2BIZ brengt bedrijven, overheidsorganisaties, stichtingen en verenigingen in contact met lokale aanbieders van producten en diensten. Bedrijven met een nieuw of minder bekend product of dienst kunnen een korte presentatie geven, ook wel een elevator pitch genoemd. Organisaties met een uitdaging worden eveneens uitgenodigd om hun behoefte te presenteren. De oplossingen kunnen bedrijven helpen om kosten te verlagen, tijd te besparen, de kwaliteit te verbeteren, aan de wet te voldoen, hun winst te verhogen of internationale markten te betreden. Bedrijven uit onder meer de handel, bouw, toeristische sector, industrie, nutssector, transportsector en professionele dienstverlening zijn van harte welkom. MEO organiseert BIZ2BIZ samen met OCBN – One Caribbean Business Network en Curaçao Tech Meetups.

 

Het ondernemersklimaat op Curaçao verbeteren

Met deze vijf evenementen wil MEO ondernemers kennis, contacten en hulpmiddelen bieden die zij direct in hun bedrijf kunnen toepassen. Het programma ondersteunt de doelstellingen van Landspakket E.6.3 om administratieve procedures te verminderen, de kosten van zakendoen te verlagen en het ondernemersklimaat op Curaçao te verbeteren.

Volg voor registratie en meer informatie de officiële pagina’s van het Ministerie van Economische Ontwikkeling en Mi NEGOSHI op Facebook en Instagram, of bel MEO via +599 9 462 1444.