KUERPO POLISIAL KÒRSOU 

KOMUNIKADO DI PRENSA

381/2026

29 òktober 2026 

Akshon multidisiplinario den Punda i Otrobanda 

Djaweps 29 di òktober 2026, e akshon multidisiplinario den área di Punda i Otrobanda a kontinuá. 

E akshon aki tabata dirigí riba personanan ku ta bende merkansia den e zona aki,  transporte públiko, kontròl di tráfiko i benta di droga. 

Un kantidat di instansia a partisipá na e akshon aki, kada un den kuadro di e  responsabilidat i outoridat di kontròl ku nan tin riba e area aki. 

Di parti di Kuerpo Polisial Kòrsou, a kontrolá dokumentunan i kantidat di pasaheronan  ku ta wòrdu permití pa transportá den e vehíkulonan.  

A reparti dies (10) prosès verbal pa violashonnan di e lei di tráfiko. 

E kontròlnan aki ta kontinuá.