Gobièrnu di Boneiru kontentu ku e kontrato firmá entre Bonaire Overheidsgebouwen N.V. i Janesloot N.V. / Eilandsbestuur Bonaire blij met getekende overeenkomst tussen Bonaire Overheidsgebouwen NV en Janesloot NV
PAPIAMENTU:
Gobièrnu di Boneiru kontentu ku e kontrato firmá entre Bonaire Overheidsgebouwen N.V. i Janesloot N.V.
Kralendijk – Resientemente Overheidsgebouwen N.V. (BOG) i Janesloot N.V. a firma un kontrato pa desaroyo di un Resort nobo na Boneiru, kwal lo karga e nomber “Time To Smile Chogogo Dive & Beach Resort Bonaire”. Ta trata aki di un resort di alrededor di dosshen kamber estilo apartement. E resort aki lo krea mas òf menos ochenta kupo di trabou nobo na momento ku e bira operashonal.
Proyekto
Gobièrnu di Boneiru ta gradisí Overheidsgebouwen N.V. pa e energia i dedikashon ku nan a hinka den e proyekto aki. E proyekto aki ta un oportunidat tremendo pa Boneiru i ku lo duna un empuhe den e desaroyo ekonómiko di e isla. E proyekto ta enserá un kontinuashon di desaroyo di Sunset beach. Gobièrnu ta felisitá pueblo di Boneiru kompleto ku logro aki. Un felisitashon tambe ta bai na e invershonistanan di Janesloot N.V. i TUI.
Mas kupo di trabou
E proyekto aki ta trese mas kupo di trabou pa Boneiru tantu den area di konstrukshon komo den e sector di horeca. Gobièrnu di Boneiru ta aploudí i enkurashá mas di e tipo di proyektonan aki ku ta yuda e ekonomia sosial. No solamente e proyektonan aki ta krea mas kupo di trabou pero nan ta fungi komo spin off pa mas empresanan chikí lanta.
NEDERLANDS:
Eilandsbestuur Bonaire blij met getekende overeenkomst tussen Bonaire Overheidsgebouwen NV en Janesloot NV
Kralendijk – Onlangs hebben de Overheidsgebouwen NV (BOG) en Janesloot NV een contract getekend voor het ontwikkelen van een nieuw resort op Bonaire, dat de naam ‘Time To Smile Chogogo Dive & Beach Resort Bonaire’ gaat dragen. Het gaat hier om een resort met rond de tweehonderd kamers in appartementen stijl. Het resort gaat ongeveer 80 nieuwe arbeidsplaatsen creëren op het moment dat het operationeel wordt.
Project
Het Bonairiaanse eilandsbestuur bedankt de Overheidsgebouwen NV voor de energie en toewijding die ze in dit project gestoken hebben. Dit project is een geweldige kans voor Bonaire die een impuls zal geven aan de economische ontwikkeling van het eiland. Het project betekent een voortzetting van de ontwikkeling van Sunset Beach. Het eilandsbestuur feliciteert de gehele bevolking van Bonaire met dit bereikte resultaat. Felicitaties gaan ook uit naar de investeerders Janesloot NV en TUI.
Meer arbeidsplaatsen
Dit project brengt meer arbeidsplaatsen met zich mee voor Bonaire, zowel in de bouw als in de horeca. Het bestuur van Bonaire juicht dit soort projecten toe en moedigt meer van soortgelijke projecten aan die de sociale economie op weg helpen. Deze projecten creëren niet alleen meer arbeidsplaatsen maar ze fungeren ook als spin off voor de oprichting van meer kleine bedrijven.
