Djabièrnè 25 di novèmber próksimo e anual ‘dia di deskuento’: ‘Black Friday Sale’ Renaissance Mall & Rif Fort
Djabièrnè 25 di novèmber próksimo e anual ‘dia di deskuento’: ‘Black Friday Sale’ Renaissance Mall & Rif Fort
WILLEMSTAD – E dia tradishonal di ofertanan spesial i preisnan kumbiniente ‘Black Friday’ ta djabièrnè awó dia 25 di novèmber! Bishitá Renaissance Mall & Rif Fort entre 10’or di mainta i 9’or di anochi i probechá di deskuentonan te ku 70%. Un okashon ideal pa hasi bo kompra pa dianan di fiesta i buska e regalo ideal pa bo sernan kerí den Renaissance Mall & Rif Fort su establesimentunan di markanan renombrá. Entre 6’or i 7’or lo tin un Fashion Show na e fòntein; kasnan di moda i establesimentunan di Renaissance Mall & Rif Fort lo presentá e último fashion trends pa e fin di aña aki.
Djis despues di e fashion show, lo sende e lus i dekorashonnan di Pasku. Miéntras ku públiko ta kana i disfrutá di e ambiente di fin di aña i dekorashon di navideño, Gino & Friends lo ta riba esenario na Rif Fort for di 7:30PM te ku 11:00PM ku bon ambiente. Keda pendiente pa e nochinan di kompra di Renaissance Mall & Rif Fort ku lo start dia promé di desèmber próksimo ku animashon musikal bibu i establesimentunan ku lo ta habrí te ku 9’or di anochi- tur djaweps den luna di desèmber.
