Seminario titulá “Seguridat 100-100” Organisá pa Departamentu di Seguridat di MCB

Seminario titulá “Seguridat 100-100” Organisá pa Departamentu di Seguridat di MCB

WILLEMSTAD- Den e siman di 7 pa 11 di Novèmber Maduro and Curiel’s Bank a lansa e seminario “SEGURIDAT 100-100”, organisá spesialmente pa hobennan di skol sekundario, den kuadro di selebrashon di MCB su 100 aniversario. Di un forma inovativo, edukativo i dinámiko a hasi mas ku 3.000 hoben i dosente di diferente skol sekundario na Kòrsou konsiente di peligernan ku nan por enkontrá diariamente manera peligernan di Social Media, den tráfiko, ora bo kana ku hopi sèn kèsh, uso di droga i peliger di atrako i robo. Banda di konsientisashon a duna e hobennan e guia nesesario pa den futuro por evitá òf evitá dil ku e peligernan aki.
Huntu ku MCB varios instansia komo Kuerpo Polisial, Ministerio Públiko, Fundashon pa Maneho di Adikshon i tambe Fundashon Un Focus Diferente di Eldrion Regina, a duna nan aporte di un manera hopi entusiasmá pa logra e meta di e siman. E maestronan di seremnonia tabata e personahenan konosí spesialmente bou di nos hobennan: Ramsley Krips i Jefterick Luciana, ku a hasi un tremendo trabou durante henter e siman di e seminario.
Banda di e seminario aki, den transkurso di fin di aña MCB lo kontinuá ku su aporte pa konsientisashon i guia di peligernan diario pa henter komunidat di Kòrsou pa medio di e boletin di “Safety and Security Awareness” ku ta pasa na TeleCuraçao i tambe un “Safety and Security App” ku lo keda lansá den Desèmber di e aña aki.
Riba e potretnan por mira e kantidat grandi di studiante hoben ku a partisipá na e seminario aki, ku tabata un éksito rotundo.