Ministerio Publiko a partisipa awe mainta na un kontrol di trafiko di KPC den Saliña. 

​Info OM:

Ministerio Publiko a partisipa awe mainta na un kontrol di trafiko di KPC den Saliña. Awaseru a kai duru e momentu ei pero esei no a stroba e akshon di KPC i OM.

KPC ta bai duna un relato di e kontrol ku ta regarda nan.

Di parti OM por konfirmá ku a topa ku 32 shofur ku un but habri. Di nan 17 persona a paga kompletu of parti di nan but pa un suma total di 4.395 florin. Ku sobrá a palabra ku nan ta meldu nan mes djaluna na ofisina di Paga Bo But na Waaigat pa kumpli ku nan deber. A tuma nan datos. Dado kaso ku nan no kumpli lo tuma e medidanan apropiá kontra nan.