ESTADO DI NOS DAM NAN NA KORSOU. KOMUNIKADO 2 DI PARTI GOBIERNU DI KORSOU PA KU SITUASHON DI WER.

KOMUNIKADO 2 DI PARTI GOBIERNU DI KORSOU PA KU SITUASHON DI WER.

27 novèmber 2016
Update di parti GMN tokante damnan:
Lagun: dam a kibra. No por drech’é aworaki. E ta asotá e playa so. Kasnan di desaroyadó Neuman tabata aksesibel ayera. No tin bista si ta bai drech’é otro aña (2017), depende di e fondonan disponibel.
Kloof: mester kita e palo morto dilanti duiker. Esei probablemente a okashoná overlast ayera. Parse no mester di makinaria, pero ta palo di manzanilla. Dam ta sipel un tiki, pero esei no por hasi nada kun’é aworaki, sino por destabilisá e dam. Tin un burako kanto di kaminda aworaki ku a keda kousa dor di e awa.

duiker di kloof ta wordo limpia awe dor di Obra Públiko.
Zumbu: dam ta ok. E problema ta kapasidat di e duikers ku tin ku transportá e awa. Awa a koba kanto di kaminda. Obra Públiko lo mester wak den futuro kiko por hasi ku e kapasidat.

Si hopi awa sigui kai den área di Zumbu mester monitor e situashon i evaluá si mester sera e área.
Sta. Cruz: a wak algun dam ku tabata ok
Jankok: 2 dam ku a drecha, awa tabata sali normal for di sakado.
Punta Mathew: no ta tin problema ayera. A drecha dam den e área.
Wambo, Sta. Martha, Kabayee, Pannenkoek ta ok pa lokual a wak te ku ayera. GMN no a bai tur e damnan si den e área aibsa, paso ta basta tin.
Barber: problema ta e desague normal. Dam no ta tin hopi awa.
Burger King Caracasbaai: problema di awa probablemete kousa dor di sistema di roi i konstrukshon di e Mall eybanda.
Dam Preto na st. Joris: tabata bashi, pero 2 sakadonan ta yen di sushi (afval) atrobe. GMN no tin fondo pa e aña aki pa bolbe limpi’é.
Dankmeyer na Zuikertuintje: no tin bista aktualisá riba estado di e dam aki.
Gobièrnu di Kòrsou ta pidi komunidat pa tene e damnan na bista si awa sigui yobe i si mira riesgo pa kiebro di damnan. 
Gobièrnu di Kòrsou ta keda hasi un petishon na komunidat pa sigui tur boletin di parti Meteo via di su website http://www.meteo.cw, página di Facebook “Meteoroligical Department Curacao”, website di Kalamidat http://www.kalamidat.cw i tambe Facebook di “Risicobeheersing Curacao”.

Gobièrnu di Kòrsou ta pidi pa si dado kaso por tin molester di awa ku a yena kas pa yama 917 i pa kualkier problema ku roi òf dam e number 521-7800 di Obra Públiko.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: