Update # 3 investigashon “Emerald” Sint Maarten

Update # 3 investigashon “Emerald” Sint Maarten
For di oranan trempan awe mainta, djaluna 28 novèmber 2016, tin entradanan hudisial tumando lugá den e investigashon Emerald. E tim pa kombatí kriminalidat ku ta mina (TBO) di “Recherche Samenwerkingsteam” (RST) den koperashon ku Landsrecherche St. Maarten a ehekutá un katidat di entrada hudisial. A hasi entrada entre otro den kas di e sospchoso i un kanidat di su kompanianan. Tambe a hasi un entrada hudisial na ofisinanan di e outoridat di haf di St. Maarten. E entradanan ketubai ta andando i no por ekskluí e posisbilidat ku tin mas entrada hudisial lo tuma lugá. E sospechoso O.A. (35) prosedente di St. Maarten a keda arestá awe mainta. E ta sospechá di froude ku impuesto, falsifikashon di dokumento i labamentu di plaka. E investigashon Emerald a inisiá na 2016 abase di artíkulonan den korant i preguntanan den Parlamento riba un kontrato entre e kompania di seguridat di e sospechoso i e outoridat di haf di Sint Maarten. Durante di e investigashon aki sospechonan di froude ku impuesto, falsifikashon di dokumento i labamentu di plaka a lanta. Ainda e akshonnan no a terminá. Banda di e entradanan hudisial a konfiská algun kuenta bankario. Danki na koperashpon estrecho ku outoridatnan di parti Franses a konfiská alabes un yate. Mañan lo bolbe duna un “update” relashoná ku e investigashon andando. E investigashon aki ta parti di esfuersonan intensivo i konhunto pa kombatí froude i korupshon ku ta krusa frontera, esta kriminalidat ku ta mina. Kriminalidat ku ta mina manera entre otro korupshon i labamentu di plaka ta forma un problema serio pa seguridat i ekonomia di e pais- i islanan den Reino Hulandes ku ta keda den Karibe. E tim pa komatí kriminalidat ku ta mina (TBO) di RST huntu ku ofisinanan di Landsrecherche di Kòrsou i Sint Maarten i Ministerio Públiko a uni forsa den esfuersonan pa kombatí kriminalidat ku ta mina. Demandanan pa konfiská benefisionan optené for di aktonan kriminal ta kuadra den e maneho nobo di Ministerio Públiko. Den futuro lo somté mas di e tipo di demandanan aki.