Kompetensia tabata fuerte: Kòrsou su hòmbernan fuerte a partisipá na Extreme Power djadumingu último

Kompetensia tabata fuerte: Kòrsou su hòmbernan fuerte a partisipá na Extreme Power djadumingu último

WILLEMSTAD: Djadumingu último e hòmbernan di mas fuerte a reuní na Sambil pa reta otro den diferente disiplina. E evento Extreme Power a resultá un gran éksito i Digicel komo patrosinador por mira atras riba un atardi kargá ku adrenalina. Mester bisa ku e deporte ‘strong man’ ta kresiendo na Kòrsou; e ta rekerí forsa físiko i mental, bon kondishon i téknika. Ademas di patrosiná e evento Digicel tabata tin su propio representashon, Marionchelo Soleana ku ta empleado di e kompania. Tabata tin diferente partisipante fuerte, finalmente Hayrich Juliana a gana e titulo máksimo.

Miéntras DJ Ian i MC Monti tabata animá, e hòmbernan fuerte a tèst kurashi di otro riba diferente opstákulo i den e tempu di mas lihé posibel. E hòmbernan a flip tayo di 200 kilo 10 biaha, hisa un tronkon di 75 kilo mas tantu bes posibel durante 2 minüt, tene 2 outo di 600 kilo riba un rampa, karga un outo di Digicel di 225 kilo pa un distansia di 25 meter, karga un pilar ku 2 dama riba dje pará i kompletá mas tantu rònchi posibel ku n’e i finalmente un ‘death lift’ na unda a lanta un outo mas tantu bes posibel durante 2 minüt largu. E kompetensia tabata fuerte, ta di imaginá ku e kabayeronan a duna tur ku tin! Patrosinio di aktividatnan manera esaki ta suprayá Digicel su kompromiso kontinuo na eventonan sosial i deportivo den nos komunidat.

Durante di e kompetensia, públiko por a gana un Samsung J3 dor di SMS nòmber di e partisipante ku nan ta pensa lo a gana e Digicel Car Lift Challenge na 3444. Tambe por a saka un sèlfie na Extreme Power na unda klaramente por a mira ku e kompetensia ta tumando lugar of saka un foto ku e partisipantenan i ‘post’ esaki riba página di Facebook di Digicel usando e hashtag #DigiPower. E foto di mas spòntan a gana un Digicel goodiebag i un gift card.

Riba fotonan athuntu, un impreshon di Extreme Power ku a tuma lugar djadumingu último na Sambil.

dsc_0282

dsc_0383

dsc_0410

dsc_0449

dsc_0461

dsc_0567

dsc_0613

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: