KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Orashon djarason 30 di novèmber 2016

Orashon djarason 30 di novèmber 2016

Pasobra si ku bo boka bo proklamá ku Kristu ta Señor i den bo kurason bo kere ku Dios a lant’É for di morto, lo bo ta salbá! Pasobra ku bo kurason bo ta kere pa Dios aseptá bo komo hustu i ku bo boka bo ta proklam’É públikamente pa asina bo haña salbashon. Skritura ta bisa: ‘Niun hende ku stèns riba djE lo no keda bergonsá!’ No tin diferensia entre hudiu i no hudiu, pasobra ta e mesun Señor ta Señor di tur i t’É ta duna abundantemente na tur ku invok’É. Pasobra Skritura ta bisa: ‘Tur ku invoká nòmber di Señor lo ta salbá.’ Ma ta kon nan por invoká Señor, si nan no ta kere den djE? Anto kon nan ta hasi kere, si nan no a tende e bon notisia? Kon tende e bon notisia, si niun hende no a predik’é na nan? Anto ta kon ta hasi predik’é si niun hende no a haña òrdu pa hasié? Manera tin skibí den Skritura: ‘Esta un legria mira portadó di bon notisia ta!’ Sinembargo no ta tur hende a aseptá e bon notisia, loke ta kuadra ku e palabranan di Isaías: ‘Señor, ken lo kere loke nos ta anunsiá?’ Ke men anto, fe ta bini ora hende tende e mensahe i e mensahe ta yega ora prediká Kristu. Awor mi ta puntra: Ta tende e hendenan no a tend’é? Klaro ku nan a tend’é, pasobra Skritura ta bisa: ‘Nan yamada ta kore pasa tera henter, nan mensahe ta yega te den skinanan di mundu.’
Romanonan 10:9‭-‬18 

​

639114718427035"
639114718427035"