KOMUNIKADO DI KUERPO POLISIAL KÒRSOU Kontròl riba menornan di edat

KOMUNIKADO DI KUERPO POLISIAL KÒRSOU

419/2016

1 di desèmber 2016

Kontròl riba menornan di edat

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kuerpo Polisial ta tumando nota mas i mas di menornan di edat ku konstantemente ta 

frekuentá sentronan di dibertishon, di kua den nan pèrmit menornan di edat no ta 

atmisibel.

Tin kasonan ku asta e menornan aki ta konsumí bibida alkohóliko òf esaki ta keda bende i/o 

ofresé na nan, loke ku ta kontra di lei.

Ta bon pa menshoná ku menornan di edat ku ta bishita un establesimentu di HoReCa 

mester ta den kompania di su mayor òf tutor.

Unikamente si ta trata di un aktividat den hotèl den kua e menor ta hospedá, e no mester 

ta den kompania di un mayor o tutor, a menos ku e regla di hotèl ta indiká otro.

Den kaso ku ta trata di un evento ku ta rekerí pèrmit, Minister di Hustisia por duna 

dispensashon pa menornan di edat keda atmití na e evento.

Polis ta bai kontrolá severo riba menornan di edat ku no ta permití den sentronan di 

dibertishon i lo bai aktua kontra di esakinan.

Na mes momentu polis ta hasi un yamada tambe na tur hende i tambe tur menor riba 12 

aña di edat, pa sòru pa tur momentu nan tin un identifikashon bálido huntu ku nan.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: