KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

AMAA y AMAK ta cera acuerdo di principio


AMAA y AMAK ta cera acuerdo di principio
AMAK , Asosiashon di Músiko i Artista di Kòrsou tabata riba un bishita di trabao na Aruba.

Presidente y secretario di AMAK, sr. Manfred “Feko” Gomes y sr. Giovanni Atalita respectivamente, a reuni cu directiva di AMAA, Asociacion di Musico y Artista Arubano. Presente pa AMAA na dicho reunion, tabata mr. Nicole Booi, sra. Maybelinne Arends-Croes, sr. Victor Mathilda y sr. Sergio Tjie-A-Loi. Despues di intercambio di ideanan y discucion den ambiente di hermandad e dos organisacionnan representando musiconan y artistanan di e paisnan Korsou y Aruba a dicidi pa seya nan lasonan di fraternidad cu un “Acuerdo di principio”. 

E acuerdo firma dia 24 di november 2016  ta encera 7 punto:

1. Reevaluacion di e frecuencia y condicionnan pa intercambio di artistanan

2. Introduccion di procedura(nan) formal pa otorgamento di permiso

3. Otorgamento di permiso lo tuma luga despues di aprobacion di AMAK y AMAA como organisacionnan representante di artistanan

4. Permisonan lo keda otorga a base di reciprocidad

5. AMAK y AMAA lo haci tur lo posibel pa yega na acuerdonan di cooperacion triba tereno di formacion musical y di tur otro disciplina di arte

6. AMAK y AMAA  conhuntamente lo averigua posibilidadnan pa estrecha lasonan internacional, specialmente den e region di Caribe

7. Estrechamento di tur forma di cooperacion y sosten riba tereno administrativo y organisatorio relaciona cu musica y tur otro disciplina di arte en general.

Cu e acuerdo entre AMAK y AMAA, AMAA ta spera di por sigui traha na bienestar di musiconan y otro aristanan di Aruba.                                                                                                                                     Pa bira miembro di AMAA tur artista por tuma contacto cu AMAA via email: amaaruba2016@gmail.com                                                                                                                        of cu miembronan di directiva: 

  Maybelinne Arends  5821334

  Nicole Booi 7347370

  Victor Camacho 5936333

  Victor Mathilda 5939559

  Sergio Tjie-A-Loi 6627029

 
Potret: momento di firmamento di acuerdo di principio entre AMAK y AMAA.

Drpd. sinta: Sergio Tjie-A-Loi (AMAA), Maybelline Arends-Croes (AMAA), Manfred Gomes (AMAK), mr. Nicole Booi (AMAA).

Drpd, para: Victor Mathilda (AMAA) y Giovanni Atalita (AMAK).

639114718427035"
639114718427035"