KOMUNIKADO DI KUERPO POLISIAL KÒRSOU Tópiko: dos sospechoso di atrako detené

KOMUNIKADO DI KUERPO POLISIAL KÒRSOU

no.: 420 / 2016

Fecha: 1 desèmber 2016

Tópiko: dos sospechoso di atrako detené

 Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

________________________________________

Djárason 30 di novèmber 2016, dos sospechoso di atrako a bai entregá nan mes na 

warda di polis Montaña. Alrededor di 11.35 or nan a keda detené; ta trata di e 

hòmbernan:

 B.L.S.-G. nase na Colombia di 23 aña di edat i

 M.A.B. nase na Sto. Domingo di 22 aña di edat.

E detenshon ta en konekshon ku un kaso di atrako ku a tuma lugá dia 29 di 

novèmber último riba un agente polisial den Monte Carmelo.

A presentá e dos sospechosonan dilanti di un fiskal ouksiliar ku a ordená nan 

enkarselamentu pendiente di mas investigashon.

Relato di e kaso:

Riba e dia en kuestion alrededor di 21.55 or, e agente polisial a sali un toko i tabata 

kanando riba kaminda direkshon di su kas. Dado momento el a topa ku un hòmber 

ku diripiente a kuminisa bringa kun’é. Un otro hòmber ku tabata den un outo tambe 

a djòin e promé hòmber aki den e bringamentu. Mesora e agente a identifiká su mes 

bisando ku e ta polis i a saka su arma reglamentario. E dos sospechosonan a kore 

bai i laga e outo i nan telefòn atras ku a keda konfiská pa polis.