Aksidente ku morto na Kralendijk Bonaire
Bonaire: Aksidente ku morto
Alrededor di 02.30 di marduga tabata tin un aksidente grave ku a tuma lugá riba Kaya Korona na Bonaire, na momentu ku un vehikulo a alkansá dos persona ku tabata move riba un baiskel na altura di FTV. Shofer di e vehikulo a sigui kore.
Ambos persona ku tabata riba e baiskel a resultá grave heridá i tur dos a keda transportá ku urgensia pa hospital komo ku nan situashon tabata kritiko. Nan situashon tabata asina grave ku ambos mester a keda transportá urgente pa Colombia ku Air Ambulance awe mainta. Sinembargo e viktima W.B. (36) a fayesé den oranan di mainta, na momentu ku tabata bai transport’e ku Air Ambulance pa e risibí tratamentu avansá na Colombia.
E otro persona ku tambe a resultá grave heridá a keda transportá pa Colombia.
Outoridatnan a hasi detenshon di K.B. un hoben (17) en konekshon ku e aksidente aki.
Investigation den e kaso aki ta kontinuá pa por lokalisá shofer di e vehikulo ku a hasi su mes kulpabel di un kaso di hit and run i solushoná e kaso aki.
Forsa na famianan
