Orashon djadumingu 4 di desèmber 2016
Orashon djadumingu 4 di desèmber 2016
Sí, tur kos ku tabata skibí anteriormente den Skritura t’ei pa duna nos instrukshon, di manera ku e perseveransia i ánimo ku nos ta haña di dje ta yena nos ku speransa. Dios, ku ta duna perseveransia i ánimo, laga ku boso por biba den union ku otro, di akuerdo ku boluntat di Kristu-Hesus. Anto e ora ei boso lo alabá Dios i Tata di nos Señor Hesu-Kristu riba un solo boka. P’esei antó aseptá otro pa gloria di Dios, manera Hesus a aseptá boso. Pasobra esaki mi ta deklará na boso: Kristu a bin sirbi esnan ku ta hudiu pa mustra ku Dios ta tene su mes na su palabra i pa kumpli ku e promesanan ku El a hasi nos antepasadonan. Tambe Kristu a bini pa esnan ku no ta hudiu alabá Dios pa su mizerikòrdia, manera Skritura ta bisa: ‘P’esei, mi ta alabá Bo, den tur e nashonnan, mi ta kanta salmo na honor di bo Nòmber.’
Romanonan 15:4-9
