Aaron John a gradua pa dokter

Aaron John a gradua pa dokter

Den Haag – E studiante Arubiano Aaron John a caba cu exito su estudio di medicina na Universidad di Radboud na Nijmegen. Hunto cu 14 otro medico Aaron a ricibi su diploma den e auditorio di Radboud UMC. Pa e momento aki a bin special for di Aruba su mama Margareth John, madrina Celestina Figaroa y for di Hulanda su ruman muher Shandra John y amigonan. Invitado special tabata Minister Plenipotenciario Juan David Yrausquin.

Na 2006 Aaron a bin Hulanda y a cuminsa cu un estudio di Ciencia Biomedico, pero e estudio aki no tabata loke e tabata aspira pe. Un aña despues Aaron a cuminsa studia medicina. Aaron tabata hopi activo durante di su estudio. E tabata tanto miembro como miembro di directiva di IFMSA cu ta e Assosacion Internacional pa Studiantenan di Medicina. Tambe Aaron tabata miembro di Rode Kruis tanto na Hulanda como na Aruba. Ela haci diferente biahe di estudio, na entre otro Indonesia y Ecuador. Como parti di su estudio Aaron a haci diferente investigacionnan riba tereno di trato medico na Intensive Care. Di e investigacionnan aki tres a keda publica.

Na e momento aki Aaron ta trahando riba un investigacion riba daño celebral traumatico. Otro aña Aaron lo cuminsa na specialisa su mes como Anestesista. Minister Plenipotenciario Juan David Yrausquin a felicita Aaron cu su diploma y a desea Aaron tur clase di exito den su special-isacion.

Nota pa redacion: Potretnan ta di Gabinete di Aruba
afstuderen-aaron-john001

afstuderen-aaron-john002

afstuderen-aaron-john003

afstuderen-aaron-john004

afstuderen-aaron-john005

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: