Tremendo Christmas Fair di Verriet

Tremendo Christmas Fair di Verriet

De SGR-Groep, Fundashon Verriet ta organisá djadumingu 11 di dezèmber un tremendo bazar di Pasku. Esaki lo tuma lugá na Prinsenlaan 5, na Emmastad (hanchi djis pegá ku International School). Durante di e anochi aki lo tin un ambiente di Pasku total. Tambe lo bai shou tur e dekorashonnan bunita hasí dor di kliente i lidernan di Fundashon Verriet. Huntu ku esaki lo bai tin sendementu di lus pa trese un dushi esfera di Pasku durante dianan di fiesta, pa e klientenan.
Lo tin un variedat di artíkulo i komestibel na benta na e bazar. E lo tuma lugá di 17:00 pa 21:00. E iluminashon lo bai ta 18:30. Lo tin diferente stènt ku entre otro artíkulonan di Pasku, obra di man trahá pa klientenan di Fundashon Verriet mes, paña, asesorio, sapatu, pakete di Pasku i tur sorto di delisianan di fin di aña. Tambe lo tin animashon musikal di aguinaldo I tambú i un tremendo shou di moda. Fondonan di e bazar aki lo ta destiná pa e diferente gruponan di Fundashon Verriet duna un toke èkstra na aktividatnan di Pasku ku e klientenan. Entrada ta grátis!