CSB a presentá su programa tentativo na su miembronan pa 2017

CSB a presentá su programa tentativo na su miembronan pa 2017

Federashon di Sòftbòl di Kòrsou tabatin su reunion di evaluashon djamars último na FDOK. Tabata sigur un reunion eksitoso na asistensia i tambe kontenido. Pa loke tabata asistensia a presentá 10 di e 15 ekiponan maskulino i femenino A/AA ku ta 8 di e 11 organisashonnan ku ta afiliá na CSB. Tabatin 2 punto di agènda, kual e promé tabata e parti di evaluashon i e di dos parti tabata presentashon di programa 2017 tentativo na e miembronan presente. Pa loke ta trata e evaluashon a bai prinsipalmente riba puntonan manera apertura sistema di hunga na diferente tereno, dianan ku a hunga I orario di weganan, disiplina di ekiponan, komunikashon ku timnan, umpirenan, playoffnan i e klousura. A bin diferente sugerensia dilanti pa asina nos por duna un mihó produkto den 2017.
Pa loke ta trata e programa di 2017, loke ku a resaltá mas ta e echo ku kampionato hubenil ta den tapara pa hunga aproksimadamente 3 luna i kampionato klase A I dobl’e A femenino/maskulino lo start den di 3 siman di Mei 2017. E kalendario di 2017 lo ta lo siguiente:
17 February – Konvokashon reunion general anual 2017
20 February – Entrega di Lista pa kampionato hubenil/Konvokashon pre selekshon femenino/maskulino
7 Mart – Start Kurso pa Umpire/skorer
8 Mart – Start kurso pa Coach
14 Mart – Réunion tékniko hubenil
17 Mart – Réunion general anual 2017/Apertura selebrashon 65 aña CSB
19 Mart – Apertura kampionato Hubenil
31 Mart/ 2 aprel – Torneo softball fastpich (Selebrashon 65 aña CSB)
8 Aprel – Entrega di lista pa kampionato femenino/maskulino
21 Aprel – último fecha pa entrega di lista kampionato femenino/maskulino 2016
14 Mei – último fecha kampionato Hubenil
18 Mei- Réunion Tékniko kampionato maskulino/femenino A i AA
20 Mei – Apertura kampionato maskulino/femenino A i AA
2 July – Allstar Game/Break kampionato maskulino/femenino A i AA
Medio July – Partisipashon di selekshon/nan den weganan klasifikatorio pa CAC
12 Ougùstùs – kontinuashon di kampionato maskulino/femenino A i AA
1 Òktober – Ultimo fecha di kampionato maskulino/femenino A i AA
8 Òktober – Klousura I entrega di premio CSB
15 Òktober – Apertura di liga infantil
1 Novèmber – Renion general
19 Novèmber – Klousura Liga infantil(9-14 aña)
miembronan-di-direktiva-csb

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: