Pronóstiko di tempu pa Kòrsou i bisindario bálido te djárason mainta 6:00 o.l., 8 di aprel 2020.

Pronóstiko

Pronóstiko di tempu pa Kòrsou i bisindario bálido te djárason mainta 6:00 o.l., 8 di aprel 2020.
Kompilá: djamars 7 di aprel 2020, 05:00 o.l. (09:00 UTC).

Tempu: Shelu lo ta kubrí ku basta nubia i no ta antisipá áwaseru signifikante.

Temperatura máksimo lo alkansá 32ºC i temperatura mínimo 26ºC.
Solo ta sali 06:28 i ta baha 18:47 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando te posiblemente fuerte; forsa 6 (40 te 50 km/ora, 22 te 27 nudo).

Situashon general: Un patronchi di tempu similar na e último dianan lo kontinuá pa gran parti di e siman. Ta notabel e sintimentu di èkstra kalor durante di dia, mientras nubianan fini ta sigui plama den un ambiente ku presensia di santu di Sahara. Manera awe, e fluho di bientu moderá te basta fuerte lo persistí tambe pa algun dia mas i na su bùrt sostené un kondishon di laman por lo general moderá.

Kondishon di laman: Moderá ku altura di olanan entre 1 i 2 meter (3 pa 6 pia). E olanan di mas haltu lo ta riba laman habri na nort i ost di e isla.

Fenómeno spesial: Ningun.

Perspektiva te djaweps mainta: Por lo general parsialmente nublá ku wer seku.

Meteorólogo: Coffie