Orashon djadumingu 11 di desèmber 2016

Orashon djadumingu 11 di desèmber 2016

Ora Huan Boutista, ku tabata den prizòn, a tende loke e Mesias tabata hasi, el a manda rospondi ku algun di su disipelnan p’E. Nan a puntra Hesus: ‘Ta Abo ta esun ku mester bini òf nos mester spera un otro?’ Hesus a kontestá nan: ‘Bai konta Huan loke boso ta tende i mira: siegu ta mira, hende lam ta kana, leproso ta kura, surdu ta tende, morto ta lanta i e bon notisia ta prediká na e pobernan. Felis ta esun ku no ta sintié ofendí dor di Mi.’ Ora e disipelnan di Huan tabata bai, Hesus a kuminsá papia ku e hendenan tokante Huan; El a bisa nan: ‘Ken boso a bai mira den desierto? Un pida kaña sakudí pa bientu? Ma si boso bisa Mi: “Nò”, ken boso a bai mira antó? Un hòmber bistí na paña di luho fini? Tende, hende ku ta bisti asina ei no, ta den palasio bo ta haña nan. Ta ken boso a bai mira antó? Un profeta? Mi ta bisa boso enberdat ta un profeta i asta mas ku un profeta! Ta di e hòmber akí Dios ta bisa den Skritura: Mira, Mi ta manda mi mensahero Bo dilanti pa E prepará kaminda pa Bo. Mi ta sigurá boso: di tur hende ku a nase riba mundu, niun no ta mas altu ku Huan Boutista, ma tòg esun ku ta di ménos importansia den reino di shelu, ta mas kuné.
Mateo 11:2‭-‬11 

This site uses Akismet to reduce spam. Learn how your comment data is processed.

error: Content is protected !!
%d bloggers like this: