Kas di Kultura i Departamentu di Pèrmit di Polis ta yama reunion ku gruponan di Tambú i Aguinaldo

Kas di Kultura i Departamentu di Pèrmit di Polis ta yama reunion ku gruponan di Tambú i Aguinaldo
Kas di Kultura ta konsiente di su ròl pa entre otro mantené, vigilá i salbaguardiá ekspreshonnan kultural di nos sosiedat, hasi esakinan aksesibel pa pueblo i stimulá partisipashon pasivo i aktivo na aktividatnan kultural.
Kas di Kultura i Departamentu di pèrmit di Polis ta ekstendé un invitashon na tur grupo di Tambú i Aguinaldo pa asistí na un reunion èkstra ordinario ku lo tuma lugá djarason dia 14 di desèmber 2016 pa 6or di atardi na Kas di Kultura, Scharlooweg 29.
E meta di e reunion aki ta pa repasá e eksigensianan ku ta stipulá pa organisá presentashon di Tambú i Aguinaldo.
Lo trata entre otro:
– Puntonan ku ta regardá e lokalidat pa organisá presentashon
– Orario di presentashon
– E volúmen di zonido stipulá ku gruponan mester mantené nan mes na dje
– Otro stipulashonnan ku tin pa ku otorgá pèrmit
Kas di Kultura i Departamentu di pèrmit di Polis ta konta ku tur grupo su presensia.
Kultura, e motor pa desaroyo duradero!